28 Кулун тутар 28.03
  • -13°
  • $ 92,59
  • 100,27

НВК «Саха» саҥа сезоҥҥа түөрт сериалы көрдөрүө

15:01, 01 октября 2020
Текст:
Читайте нас на
Яндекс Новости
ЯДВ

НВК «Саха» ханаала тэлэбидиэнньэ саҥа сезонугар түөрт саҥа киинэ сериалын көрдөрүө. «Хаhан сайын буоларый…» диэн ааттаах бастакы киинэ кэлэр нэдиэлэттэн саҕаланыа.


Сериалы Сардаана Сивцева — Дана Сард сценарийынан эдэр режиссер Радомира Афанасьева уһулла. «Хаhан сайын буоларый…» — өрөспүүбүлүкэ ыраах хоту улууһуттан Дьокуускайга көһөн кэлбит ыал олоҕун туһунан киинэ алтынньы 5 күнүттэн үгэс быһыытынан киэһээҥҥи сонуннар кэннэ көстүө. Дьиэ-кэргэн олоҕун, дьиэлээхтэр сыһыаннарын көрдөрөр киинэ 16 сериялаах 38 мүн уһуннаах.

Кылаабынай дьоруойдары Саха тыйаатырын артыыската Елизавета Потапова уонна артист идэлээх, уруккута Ньурба тыйаатырыгар үлэлээн сылдьыбыт Николай Софронеев оонньуохтара. Маны таһынан киинэҕэ үүнэр көлүөнэ тыйаатырын артыыстара Анастасия Петрова, Нюргун Черов, АГИКИ устудьуоннара оонньууллар.

НВК «Саха» сериаллары устар сулууспатын салайааччы Марина Пермякова: «Быйылгы сезоҥҥа биһиги түөрт киинэни бэлэмниибит. Мантан үһүн Дана Сард сценарийынан уһуллубут. Сэтинньигэ «Киэhэлик» айар бөлөҕү кытары устубут «Офистар» кылгас сериалбыт тахсыа. Киинэ сценарийын айар бөлөх салайааччыта Георгий Матвеев суруйбута. Режиссердар: Лена Эверстова уонна Иннокентий Орестов-Докторов«.

Маны таһынан ахсынньыга «Олох диэн олох» сүрдээх тыҥааһыннаах түгэннэрдээх режиссер Лена Эверстова үлэлэспит киинэтэ тахсыа. Саҥа дьыл кэннэ — 60-с сылларга Мииринэй куоратын тутааччыларын туһунан «Дьол тааьа». Киинэҕэ Степан Сивцев-Доллу, Зоя Багынанова, Домна Уйгурова, Петр Андреев оонньууллар.

НВК «Саха» хас эмэ сериялаах киинэлэри 2017 сыллаахтан устар. Бу кэм иһигэр барыта сэттэ киинэ таҕыста. Былырыын хампаанньа иһинэн 14 үлэһиттээх анал сулууспа тэриллибит. Быйыл коронавируһунан сибээстээн айар бөлөх артыыстары талыыга, устуу кэмигэр кэккэ күчүмэҕэйдэри көрсүбүт.

Сериаллары НВК «Саха» саайтыгар көрүөххэ сөп http://nvk-online.ru/new/movie/html/category/serial/.

Следите за самым важным и интересным в Telegram-канале и WhatsApp-группе ЯСИА