29 Кулун тутар 29.03
  • -12°
  • $ 92,26
  • 99,71

Ньурбатааҕы хайаны байытар кэмбинээккэ коронавируһунан ыарыйдылар

11:01, 06 октября 2020
Текст:
Читайте нас на
Яндекс Новости
ЯДВ

АЛРОСА Ньурбатааҕы хайаны байытар кэмбинээтигэр коронавируһунан ыалдьыбыт дьон баара билиннэ. Билигин ыарыыны бохсор үлэ ыытылларын туһунан СИАҕа хампаанньа пресс-сулууспата иһитиннэрдэ.


Ньурбатааҕы хайаны байытар кэмбинээккэ үлэлиир 800-чэ киһиттэн барыларыттан анаалыс ыллылар. Бастакы 480 тест оҥоһуллубутуттан 20 түмүк ыарыы баарын бигэргэттэ. Итини таһынан хас эмэ уонунан түмүк хос бэрэбиэркэни күүтэр. Ыалдьыбыттар туруктара үчүгэй, ыарыы сибикитэ биллибэт.

Хайаны байытар комбинакка вируһу утары харыстаныы миэрэлэрэ эрдэ да, билигин күүскэ бараллар. Вахтаҕа киириэх иннинэ үлэһит икки нэдиэлэлээх обсервацияны итиэннэ коронавируска иккитэ булгуччулаах тургутугу ааһар. Комбинакка маасканы кэтии, дьонтон тэйиччи туттуу булгуччулаах. Билигин хампаанньа ыарыы биричиинэтин быһаарар ол түмүгүнэн харыстаныы дьаһалларын уларытыа.

Билигин коронавируһунан ыалдьыбыт үлэһиттэр туспа тутулуннулар, сорохтор балыыһаҕа уонна обсерватордарга олохтоннулар. Эмчиттэр эбии бөлөхтөрө тэрилиннэ, кэмбинээккэ туһааннаах эмп-томп, харыстанар тэрил толору баар.

Следите за самым важным и интересным в Telegram-канале и WhatsApp-группе ЯСИА