Ньурба улууһун Октябрьскай нэһилиэгэр дойду, өрөспүүбүлүкэ уонна улуус хааһыналарыттан үбүлэммит саҥа спортивнай комплекс тутуллан үлэҕэ киирдэ, диэн суруйар НВК «Саха».
Спортивнай комплекс тутуута 2019 сыл олунньутуттан саҕаламмыта, манна маҥнайгы сыбаайа түһээт, үлэ күөстүү оргуйан барбыта. Билигин 10-тан эрэ ордук ый иһигэр дьиэ силигэ ситэн, үөрүүлээх быһыыга-майгыга арылынна. Ммаҥнайгы күрэхтэһии ыытылынна.
Тутуунуу «Барт строй» ХЭТ иилээн-саҕалаан ыытта, тутуу сүрүн үлэтэ сааскы хаайтарыы кэмигэр түбэспит буолан, матарыйаал кэлиитигэр уустуктар тахса сылдьыбыттара. Ону аахсыбакка эппиэтинэстээх үлэҕэ ылсыбыт тутааччылар улэлэрин кэмигэр туттардылар.
Саҥа спорткомплекс уопсай иэнэ 1471 кв м., бу иһигэр 500 квадраттаах спорт саалата, иккис этээскэ бокса уонна фитнес саалалаах. Бэлиэтээн эттэххэ, бу сылга Ньурба улууһугар иккис сана спортивнай эбийиэк тутуллан үлэҕэ киирдэ. Бу иннинэ Убайаан микрорайонугар саҥа спортсаала аанын тэлэччи аспыта.
Бу үс хааһынаттан үбүлэммит спортивнай эбийиэк Ньурба улууһугар спорт сайдыытыгар улахан оруолу оонньуоҕа. Улуус, өрөспүүбүлүкэ, дойду таһымнаах спортсменнар иитиллэн тахсыахтара.
