24 От ыйа 24.07
  • 28°
  • $ 87,3
  • 95,46

Нуораҕанаттан төрүттээх тустуук Тимофей Стручков Европаҕа "үрүҥ көмүһү" ылла

11:48, 30 октября 2019
Текст:
Читайте нас на
Яндекс Новости
ЯДВ

Мэҥэ-Хаҥалас улууһуттан төрүттээх Тимофей Стручков доруобуйаларын туругунан истибэттэр ортолоругар ыытыллыбыт греко-римскэй тустууга Европаҕа бастыыр иһин күрэхтэһиигэ үрүҥ көмүс мэтээли ылла. Киирсии Белоруссияҕа кадеттар ортолоругар буолла. 


Гомель куоракка ыытыллар спортивнай тустууга Россия сүүмэрдэммит хамаандатыгар Саха сириттэн икки бөҕөс киирсэн тустар: спорт үтүөлээх маастара Сергей Николаев уонна греко-римсэй тустууга эдэр бэрэстэбиитэл Тимофей Стручков.

СИА-ҕа тренер Эрчимэн Макаров кэпсээбитинэн, уол көбүөргэ үстэ киирсибит: «Бастакы эргииргэ 48 киилэҕэ диэри украинеһы 9:2 ахсааҥҥа кыайбыт. Салгыы Турция бөҕөһүн 16:6 ахсааҥҥа баһылыыр. Финалга тахсан, хомойуох иһин, азербайджанецка хотторор уонна Европа үрүҥ көмүс призерунан буолар».

Бэлиэтээн эттэххэ, Мэҥэ Хаҥалас улууһун Нуораҕанатыттан төрүттээх Тимофей Стручков бу бастыкы улахан көбүөрэ. Икки сыл Россияҕа үчүгэй көрдөрүүлээх, бэйэтин сааһыгар дойду икки төгүллээх чемпиона. Маны сэргэ уол көҥүл тустууга Россияҕа бастыыр иһин киирсиигэ призердаабыта.

Следите за самым важным и интересным в Telegram-канале и WhatsApp-группе ЯСИА