«Железные дороги Якутии» акционернай хампаанньа Мэҥэ Хаҥалас улууһун дьаһалтатын кытта муус оҥоһуктар куонкурустарыгар кыттаргытыгар ыҥыраллар. «Новогодняя фантазия» тэрээһин бирииһин хампаанньа туруорар.
Буолар сирэ — Аллараа Бэстээх, сэтинньи 20 — 23 күннэрэ, тимир суол вокзалын былаһаакката.
Куонкурус быйыл Байкало-Амурскай магистраль тутуутун 50 сылыгар, Российскай Федерацияҕа дьиэ кэргэн, Саха сиригэр оҕо аймах сылларыгар ананар.
Тэрийээччилэр көҕүлүүр тиэмэлэрэ — «Слышишь, время гудит – БАМ!». Манна БАМы уонна АЯМы тутуу үлэтэ, ситиһиилэрэ, хомсомуол улуу тутуутун тыына уонна романтиката, үлэ күүрээнэ, ыччат эрчимэ, БАМҥа дьиэ кэргэн уонна оҕо уобарастара көрдөрүллүөхтээх.
Сүрүн бириис – 180 тыһ солк.
Акционернай хампаанньа бирииһин сэргэ Мэҥэ Хаҥалас улууһун баһылыгын уонна «Тимир суоллар» хампаанньа генеральнай дириэктэрин анал бириистэрэ туруоруллуохтара.
Балаһыанньаны сиһилии хампаанньа саайтыгар «Мероприятия» диэн түһүмэххэ билсиҥ. Төлөпүөннэр 8-964-415-74-90, 8 (4112) 42-51-06 .
Сайаапкаҕа скульптура эскиһэ, докумуоннар сыһыарыллаллар, 2024 сыл сэтинньи 10 күнүгэр диэри бу электроннай аадырыска тиксэриҥ: info_yakutsk@rw-y.ru.
