13 От ыйа 13.07
  • 15°
  • $ 87,74
  • 95,76

Николай Бугаев: «Бырабыыталыстыба отчуотугар куорат олохтоохторо оҕо тэрилтэлэрин ыйыттылар»

Фото: Мария Васильева/ЯСИА
Читайте нас на
Яндекс Новости
ЯДВ

Бырабыыталыстыба түмүктүүр отчуота Дьокуускайга кулун тутар 6 күнүгэр буолла. Киин куорат олохтоохторо ыйытыыларын, этиилэрин оҥордулар.

Ол туһунан Уопсастыбаннай палата бэрэссэдээтэлэ Николай Бугаев иһитиннэрдэ. «Дьон отчуоту ахтыбыта биллэр. Саала толору киһи мустубут. Дьону долгутар боппуруоһунан дьыссааттарга уонна оскуолаларга миэстэ тиийбэтэ буолар, ол иһигэр Дьокуускай элбэх нэһилиэнньэлээх микрооройуоннарыгар. Куорат баһылыга Евгений Григорьев уонна регион бырабыыталыстыбатын бэрэссэдээтэлэ Андрей Тарасенко бэлиэтээбиттэринэн, бу саамай сүрүн кыһалҕа буолар, онон сотору кэмигэр 203-м микрооройуон оскуолатыгар эбии тутуу барыаҕа. Отчуокка маны сэргэ 2 нүөмэрдээх оскуолаҕа эбии тутуу туһунан этилиннэ», — диэтэ Бугаев.

Куорат таһынааҕы нэһилиэнньэлээх пууннар онлайн холбонон отчуоту иһиттилэр. Дьон Дьокуускай кытыытынан тыа хаһаайыстыбатын салааларын сайдыытыгар уонна Мархаҕа уунан хааччыйыыны туоһуластылар.

Николай Бугаев куоракка регион үс гыммыт биирэ олорорунан, отчуоту урукку курдук уокуруктарынан оҥорор ордугун эттэ.

Следите за самым важным и интересным в Telegram-канале и WhatsApp-группе ЯСИА