29 Кулун тутар 29.03
  • -10°
  • $ 92,26
  • 99,71

Наука уонна технология сылыгар ханнык дьаһаллар ыытыллалларын Үөрэх министиэристибэтигэр эттилэр

10:01, 08 апреля 2021
Текст:
Читайте нас на
Яндекс Новости
ЯДВ

Регионнааҕы үөрэх уонна наука миниистирин бастакы солбуйааччы Михаил Присяжнай социальнай ситимнэргэ Россияҕа биллэриллибит наука уонна технология сылыгар  Саха сиригэр туох-ханнык дьаһаллар ылыллалларын кэпсээтэ, суруйар СИА.


Дойду президенэ Владимир Путин Россияҕа наука уонна технология сылын арыллыытын олунньу 8 күнүгэр — Россия наукатын күнүгэр — биллэрбитэ. Михаил Присяжнай эппитинэн, регион министиэристибэтэ былаан уонна бырагыраама ылынна. Бастатан туран, саҥа технологиялары баһылааһыҥҥа уонна наукаҕа кадр кыаҕын сайыннарыыга туһуламмыт кэскиллээх бырайыактарга, наука чинчийиилэригэр үлэлиэхтэрэ.

Былаан быһыытынан сыл саҕаланыаҕыттан элбэх дьаһал ыытылынна. ХИФУ-га Россия наукатын күнүгэр «Университеты и развитие геостратегических территорий России» үгэскэ кубулуйбут форум буолла, Ил Түмэҥҥэ эдэр учуонайдары өйүүргэ анаммыт төгүрүк остуол тэрилиннэ.

«Сыл сүрүн сыала — бастатан туран, наукаҕа көҕүлээһиннэр уонна ситиһиилэр, наука үлэтин таһымын үрдэтии, интэриэһинэй чинчийиилэри өйөөһүн, ордук чуолаан эдэрдэри», — диэтэ миниистир солбуйааччыта.

Тэрээһиннэр ыытыллыылара хас да түһүмэххэ арахсар: «Основные мероприятия Года науки и технологий», «Науки для реального сектора экономики», «Арктика и Север», «Наука, образование и инновации», «Гуманитарные науки», «Геолого-биологические науки». Сыл устата олимпиадалар, конференциялар, семинардар, мунньахтар, быыстапкалар уонна куонкурустар ыытыллыахтара.

Михаил Присяжнай эбэн эппитинэн, улуустарга учуонайдарга аналлаах эдэр чинчийээччилэр конференциялара буолуохтара. Бу нэдиэлэҕэ Мэҥэ Хаҥалас улууһугар «Пахомовтыы ааҕыылар» учуонай Александр Пахомовка ананыахтара. «Муниципальнай таһымҥа маннык тэрээһиннэр учуонайдары иитэн таһаараллар», — диэтэ кини.

Следите за самым важным и интересным в Telegram-канале и WhatsApp-группе ЯСИА