24 Ыам ыйа 24.05
  • -7°
  • $ 104,68
  • 115,6

Нам улууһугар быйыл 1690 га сиргэ сүөһү аһылыгын ыһыахтара

17:03, 17 мая 2021
Текст:

Нам улууһугар быйыл 1690 га сиргэ сүөһү аһылыгын ыһар сорук турар. Улуус 24 хаһаайыстыбата 176 туонна сиэмэҕэ сайаапка туһэрбит. Бу туһунан тыа хаһаайыстыбатын министиэристибэтэ иһитиннэрэр.


Хамаҕатта нэһилиэгэр Александр Жирков бааһынай хаһаайыстыбата Татарстаантан 50 туонна сиэмэ аҕалбыт. 40 га сиргэ сииги көтүтүү үлэтин түмүктээбит.

Миниистир Александр Атласов улууска сырыытын кэмигэр өрөспүүбүлүкэ атын улуустарыгар ыһыы үлэтэ саҕаламмытын, барыта 32 тыһыынча туонна органическай уоҕурдуу ыһыллыбытын, 610 тыһ. кв.м. тэпилииссэ бүрүллүбүтүн, тиэхиникэ 77%-на өрөмүөннэммитин иһитиннэрдэ.

Уус Алдан, Мэҥэ Хаҥалас Хаҥалас улуустарыгар, Дьокуускайга сииги көтүтүү үлэтэ күүскэ барбытын эттэ.

Быйыл 1173 туонна туорахтаах култуура, 2161 туонна сүөһү аһылыгын, барыта 3334 туонна сиэмэни ылар сорук турар. Сиэмэ 56% хаһаайыстыбаларга тиэрдиллэн турар.

Следите за самым важным и интересным в Telegram-канале и WhatsApp-группе ЯСИА
0
0