29 Кулун тутар 29.03
  • -14°
  • $ 92,26
  • 99,71

Налимскайга уот куттала суоһаабат

Читайте нас на
Яндекс Новости
ЯДВ

Орто Халыма улууһун Налимскай нэһилиэгэр бу күннэргэ ойуур баһаарын умулларыыга көхтөөх үлэ барар.

Манна СӨ Судаарыстыбаннай баһаары бохсор уонна Быыһыыр сулууспалар, РФ ЫБММ Саха сиригэр үлэлиир аэромобильнай бөлөҕө, улуустааҕы ойуур хаһаайыстыбатын, «Якутлесресурс» ГАУ үлэһиттэрэ уонна олохтоохтор истэриттэн баҕа өттүнэн үлэлиир хамаанда уоту бохсууга анаан турунан үлэлииллэр.

Бу туһунан СӨ Дьон олоҕор куттал суоһаабатын хааччыйар  судаарыстыбаннай кэмитиэт бэрэссэдээтэлин э. т. Иннокентий Андросов иһитиннэрэр. От ыйын 27 күнүттэн буола турар ойуур баһаарын бохсууга үтүмэн үлэ барда. Ол курдук, хас да күнү быһа нэһилиэк тула минерализованнай балаһа оҥоһулунна.  Бэҕэһээ баһаарга утары  уоту ыыттылар. Ол түмүгү аҕалла — бүгүҥҥү күҥҥэ нэһилиэккэ  баһаар куттала суоһаабат. Улууһу хойуу буруо тунуйбута ааста.

Бу туһунан СӨ Хааччыйыыга судаарыстыбаннай кэмитиэтин пресс-сулууспата иһитиннэрэр.

Елена ПОТОЦКАЯ, «Саха сирэ» хаһыат.

Следите за самым важным и интересным в Telegram-канале и WhatsApp-группе ЯСИА