18 От ыйа 18.07
  • 18°
  • $ 88,09
  • 96,3

#МЫВМЕСТЕ семинар-мунньахха волонтердар түмсэн маастар-кылаастарга кытталлар

17:01, 15 декабря 2022
Текст:
Читайте нас на
Яндекс Новости
ЯДВ

Бу күннэргэ Ю.А.Гагарин аатынан култуура киинигэр ыччат бэлиитикэтин министиэристибэтэ уонна гражданскай уопсастыба института #МЫВМЕСТЕ диэн семинар-мунньах тэрийэр. Ахсынны ый 9 күнүгэр волонтердар күннэрэ бэлиэтэммитэ. Онно сөп түбэһиннэрэн, волонтердарга ыччат миниистирэ П.В.Шамаев махтал суруктары туттарда.

Саха сирин олохтоохторо ханнык баҕарар кэмҥэ биир санаанан кыһалҕаҕа түбэспит бар дьоммутугар көмөлөһө олоробут. Ааспыт сылларга суугунуур күөх тыабыт айылҕа уларыйыытыгар уот-көмөр буолбута, элбэх оттоммут от уокка былдьаммыта, Горнай улууһун Бэс Күөлэ умайбыта. Бу кэмҥэ Дьокуускайга суһал көмө штабын иһинэн үлэ күнүстэри-түүннэри саҕаламмыта.

Быйыл алтынньы ыйтан быстах байыаннай хомуурга ыҥырыллыбыт уолаттарбытыгар, эр дьоммутугар көмө оҥоһулла сылдьар. Иистэнэр сыахтарга элбэх ийэ, эдьий, эбэ иистэннилэр. Орджоникидзе уулуссатын 10 нүөмэрдээх дьиэтигэр баар штабка хомуллар малы-салы, эми-тому наардааһыҥҥа олус улахан көмөнү волонтердар оҥороллор.

Семинары СӨ баҕа өттүнэн көмөҕө кэлээччилэр ресурснай кииннэрэ, #МЫВМЕСТЕ штаб регионнааҕы салаатын салайааччыта Айыллаан Винокуров, эдэр ыччат министиэристибэтэ, гражданскай уопсастыба института тэрийдилэр.

Манна араас тиэмэлэргэ психологическай тренинг ааһабыт, маастар-кылаастар буолаллар, интенсивтар, интэриэһинэй бырагыраамалар үлэлииллэр.

Ааптар: Марина Винокурова, Дьокуускай

Следите за самым важным и интересным в Telegram-канале и WhatsApp-группе ЯСИА