«Эдэр аграрий» куонкурус «Создавай агропроизводство!» хайысханан «Муус устар — 2024» ыччат бэстибээлигэр бастакытын ыытыллыаҕа. Икки лиганан кыайыылааҕы быһаарыахтара – үрдүкү уонна бастакы, «Абсолютный командный победитель по зоне Арктики» уонна «Абсолютный командный победитель по внеарктической зоне» категорияларга.
«Аграрнай оҥорон таһаарыы региоҥҥа сүрүн тиэмэ. Элбэх киһи үлэлиир. Биһиги сыалбыт — ыччаты өйөөһүн, ол иһин быйыл «Создавай агропроизводство!» хайысханы киллэрдибит. Интеллектуальнай куонкурус тэрийэбит, манна суоттааһыннары оҥоруохтара. Хамаандаҕа бу эйгэҕэ үлэлиир дьон киирэр. Хамаанда — бу ирдэбил, тоҕо диэтэххэ, тыа хаһаайыстыбатын үлэһитэ соҕотоҕун үлэлээбэт», — диэн эттэ тыа хаһаайыстыбатын институтун салайааччытын э.т. Михаил Черосов.
Икки түһүмэхтээх буолар, дьиэҕэ үлэ уонна сорудаҕы толоруу. Хамаандаҕа киирсэр агроном, зооинженер уонна предприниматель. Бу улуустарга ыытыллар түһүмэх.
Иккис туурга өрөспүүбүлүкэҕэ талыллан кэлбит хамаандалар үс хаһаайыстыба сайдыытын тосхолун презентациялыахтара: бастыҥ, орто көрдөрүүлээх уонна хаалан иһэр үлэлээхтэри.
Олохтоох оҥорон таһаарыы бородууксуйа быыстапката туруоҕа, атыылыыллара көҥүллэнэр.
