12 Атырдьах ыйа 12.08
  • 16°
  • $ 60,62
  • 62,52

Muus uSTAR ыччат бэстибээлэ сылын аайы ыытыллыан сөп

10:28, 29 марта 2021
Текст:

Ил Дархан Айсен Николаев бэлиэтээбитинэн, Muus uSTAR ыччат бэстибээлэ өрөспүүбүлүкэ эдэр дьонун кыаҕын, билиитин-талаанын көрдөрөрүгэр төһүү күүс буолар. Кини этэринэн, дьаһал сылын аайы ыытыллыан сөп, суруйар СИА.

«Креативной экономиканы уонна талааннаах ыччаты өйүүбүт. Россия уонна аан дойду таһымыгар биллэр сулустар кыттыылаах улахан бэстибээли ыытыы биһиги ыччаппыт талаанын көрдөрөрүгэр кыаҕы биэрэр, спортан саҕалаан айар үлэҕэ диэри. Ыччаппыт бастыҥ профессионалларга үөрэнэн өрөспүүбүлүкэни аан дойду таһымыгар көрдөрүө», — диэтэ Айсен Николаев.

Кини инникитин Muus uSTAR Саха сирин «визитнай карточкатынан» буоларыгар эрэллээҕин биллэрдэ.

«Muus uSTAR» бэстибээл — айар талаан, спорт, бизнес, аныгы технологиялар эйгэлэригэр ыччаты өйүүр бөдөҥ былаһаакка буолар. Саха сирин ыччата бэйэтин бырайыагын аан дойду таһымнаах исписэлиистэргэ кэпсээтэ, ити киэҥ араҥаҕа тахсыыга төһүү күүс буолар.

Саха сирин бырабыыталыстыбатын уонна «Синергия» корпорация холбоһуктаах тэрээһиннэрэ. Генеральнай партнёр — ХЭУо «ЭльгаУголь».

Следите за самым важным и интересным в Telegram-канале и WhatsApp-группе ЯСИА
0
0