Төрөппүттэр сайабылыанньаны «Госуслуги» порталынан ыытыахтарын сөп диэн Дьокуускайдааҕы үөрэх управлениета иһитиннэрэр.
Порталга киирэн сайабылыанньаны толорор ирдэнэр. Манна ийэ эбэтэр аҕа пааспара, оҕо төрөөбүтүн туоһулуур сибидиэтэлистибэ уонна регистрация туһунан ыспыраапка наада. Толорбут сайабылыанньаҕытын тус кабинеккытыгар хаалларыаххытын сөп. Оттон эрдэтинэ бэлэмнэммит сайабылыанньаны муус устар 1 күнүгэр эрэ ыытыахха сөп.
Ирдэбил быһыытынан маҥнайгы кылааска ылыы икки түһүмэҕинэн ыытыллыаҕа:
Бастакы түһүмэх муус устар 1 күнүттэн бэс ыйын 30 күнүгэр диэри буолуоҕа. Манна оҕолор бастакы уочарат бырааптаахтары уонна олорор сирдэринэн оскуолаҕа киирэллэригэр ананар.
Иккис түһүмэх от ыйын 6 күнүттэн балаҕан ыйын 5 күнүгэр диэри буолуоҕа. Манна сыһыарыллыбыт сиргэ прописката суох оҕолор уонна ханнык баҕарар атын оскуолаларга төрөппүттэр сайабылыанньа биэриэхтэрин сөп.
Ордук сиһилии Дьокуускайдааҕы үөрэх управлениетын саайтыгар билсиэххэ сөп, суруйда Саха сирэ саайт.
