Саха сириттэн сылгыһыттар уонна «Симэх» галерея маастардара Монголия сиригэр ыытыллыбыт Наадам-2026 диэн национальнай бырааһынньыкка саха атын толору үрүҥ көмүс симэҕин көрдөрдүлэр. Бүгүн, от ыйын 13 күнүгэр, саха дьоно аан дойду араас дойдуларыттан кэлбит аттаахтар кэккэлии хаамыыларыгар кыттыахтара, диэн СИА иһитиннэрэр.
«Биһиги алгыс сиэрин-туомун оҥордубут, олус элбэх киһи муһунна. Биһиги саха атын толору симэҕин көрдөрдүбүт, салгыы 10400 аттаах киһи кыттыылаах аан дойдутааҕы параакка кыттыахпыт. Мин аҕабын кытта Саха сирин дэлэгээссийэтин састаабыгар кэллим, манна «Симэх» галереяттан маастардар бааллар. Дэйбиири оҥорууга маастар-кылаастар ыытыллаллар. Биһиги саха мааны дьахталлара тикпит ыҥыырдары уонна чаппараактары көрдөрдүбүт. Хомойуох иһин, саха аттарын илдьэ кэлбэтибит. Айаммыт сыала – Саха дьоно сылгыны иитиини сайыннара туралларын көрдөрүү», — диэн биллиилээх сылгыһыт Дугуйдан Винокуров кэпсээтэ.
