Арассыыйа премьер-миниистирэ Михаил Мишустин Дьокуускай куоракка баар өрөспүүбүлүкэтээҕи онкологическай диспансерга сырытта. Сырыытын кэмигэр кини лучевой диагностика киинин көрдө, эндоскопия киинин үлэтин билистэ, эпэрээссийэлиир блогу көрдө. Ону таһынан премьер лаборатория дьиэтин уонна онкогинекология отделениетын эмиэ кэрийэн көрдө.
Бырабыыталыстыба бэрэссэдээтэлэ диспансер тиэхиньиичэскэй хааччыллыытын үрдүктүк сыаналаата, ордук чорботон бэлиэтээтэ — эмтэнээччигэ хааччаҕа суох иһитиннэрии систиэмэтэ киллэриллибитин.
«Ханнык баҕарар МРТ түмүгүн, анаалыстары түргэнник ылар кыах баар, ханнык да анал хамсаныыта, докумуонунан «муҥнаныыта» суох, кинилэргэ (ыарыһахтарга – ТАСС) көмөнү оҥоруохха сөп, эһиги коллегаларгыт тугу гыммыттарын барытын билэн туран. Салгыы ыарыһах туһунан даннайдары салгыы эмтиир-чинчийэр дьоҥҥо биэриэххэ сөп», — диэн ТАСС Мишустины цитаталаата.
Ону сэргэ кини диспансерга Арассыыйаҕа оҥоһуллубут систиэмэлэр туттуллалларын тоһоҕолоон эттэ.
@ysiaru
