Мииринэйгэ чааһынай дьиэҕэ саанан ытыллыбыт икки эр киһи уонна икки дьахтар өлүгүн буллулар диэн быраабы араҥаччылыыр уорганнар СИА-ҕа иһитиннэрдилэр.
Өрөбүл күн түөрт киһи өлүгүн чааһынай дьиэттэн буллулар. Өлбүттэр — 1978 уонна 1981 сыллардааҕы эр дьон уонна 1986 уонна 1987 сыллаах дьахталлар.
Өлбүт дьонтон биир эр киһи уонна дьахтар эрдэ сууттана сылдьыбыттар.
Быһылаан тахсыбыт сиригэр 12-с калибрдаах саа ботуруонун буллулар. Силиэстийэлиир бөлөх быһылаан миэстэтигэр үлэлиир.
