Арассыыйа премьер-миниистирэ Михаил Мишустин Уһук Илиҥҥэ сыллата ыытыллар үгэскэ кубулуйбут сырыытыгар турунна. От ыйын 31 күнүгэр Арассыыйа бырабыыталыстыбатын баһылыга Дьокуускайга үлэлиэҕэ.
Дьокуускайга, Арассыыйа Бырабыыталыстыбатын пресс-сулууспата иһитиннэрбитинэн, Мишустин өрөспүүбүлүкэтээҕи онкологическай диспансеры көрүөҕэ, ону тэҥэ «Үлэ Кыбаартала» креативнай кластерга сылдьыаҕа. Өрөспүүбүлүкэ баһылыга Айсен Николаевтыын көрсүһүү былааннанар.
Тэрээһиннэргэ бырабыыталыстыба бэрэссэдээтэлин солбуйааччы — Арассыыйа Бэрэсидьиэнин Уһук Илин федеральнай уокурукка боломуочуйалаах бэрэстэбиитэлэ Юрий Трутнев, Уһук Илини уонна Арктиканы сайыннарыы миниистирэ Алексей Чекунков, доруобуйа харыстабылын миниистирэ Михаил Мурашко кыттыыны ылыахтара.
Инники Мишустин Саха сиригэр 2022 сыллаахха кэлэ сылдьыбыта. Оччолорго кини, чуолаан, IT-паарканы көрбүтэ, сыл устата үлэлиир тэпилииссэ комплексын бырайыагын кытта билсибитэ.
