Улуустааҕы тыа хаһаайыстыбатын управлениетыгар түмүллэр иһитиннэриинэн, былааҥҥа 40 тыһыынча туонна от оттонуллуохтаах. Сабаҕалааһынынан, 35 тыһыынча туоннаттан тахса от оттонуллуон сөп.
От ыйын 18 күнүнээҕи туругунан, 1421 туонна от оттоммут. Ити былаан ‒ 3,6 бырыһыана.
Ходуһаҕа 746 тыраахтар тахсыбыт. Толору тиэхиньикэлээх икки биригээдэ, 1214 отчут оттуу сылдьар. Ити күнүнэн, 4030 гаа охсуллубут. Сорох отчуттар эрдэлээн тахсыбыттара.
Кэпэрэтииптэр иннилэригэр 4128, бааһынай хаһаайыстыбаларга 13287 туонна оту оттуур сорук турар.
2100 туонна сиилэһи угуу былааҥҥа киллэриллибит. 1800 туоннанын кэпэрэтииптэр уонна 300 туоннаны бааһынай хаһаайыстыбалар угуохтаахтар. 350 туонна сенаж сууланыахтааҕыттан 100 туонната кэпэрэтииптэргэ уонна 250 туонната бааһынай хаһаайыстыбаларга тиксэр. Сиилэскэ, сенажка былааны толорорго суоттаналлар.
Нэһилиэктэртэн Араҥас нэһилиэгэ окко былаанын 19 бырыһыанын толорбут (138 туонна). Ходоро нэһилиэгэ 10 бырыһыанын (145 туонна).
