24 От ыйа 24.07
  • 28°
  • $ 87,3
  • 95,46

Мэҥэ Хаҥалас Табаҕатыгар нэһилиэк иһинээҕи суол оҥоһулунна

Читайте нас на
Яндекс Новости
ЯДВ

Кэккэ сылларга дойду үрдүнэн олохтоох көҕүлээһини өйөөһүн бырагыраамата ситиһиилээхтик үлэлээн, сир-сир аайы араас хайысхалаах улахан бырайыактар олоххо киирэллэр. Бырагыраама тыа сирин дьонун олоҕо тупсарыгар сүҥкэн улахан оруоллаах.

Тараҕай нэһилиэгэр олохтоох көҕүлээһини өйөөһүн бырагырааматынан туох-ханнык үлэ барарын баһылык Юрий Порядин билиһиннэрэр:

— Өр сыллар устата Табаҕа бөһүөлэгэр оҕолор, эдэр ыччат, нэһилиэк олохтоохторо сынньанар, оонньуур, доруобуйаларын тупсарар успуорт былаһааккатыгар, самаан сайыммытын уруйдуур ыһыахтыыр сирбитигэр, ону тэҥэ Аҕа дойду сэриитин толоонугар охтубут буойуннарбытыгар аналлаах монумеҥҥа тиийэр Совхознай уулусса суола олохтоохтору эрэйдиир этэ.

Быйыл нэһилиэк иһинээҕи куоластааһын түмүгүнэн чорбойор элбэх куолаһы ылан, бу суолбут оҥоһуллар кыахтанна. Аныгы ирдэбилгэ эппиэттиир, сааскы халаан уута иҥнибэккэ кэлэн ааһарыгар сөптөөх оҥоһуулаах суол тутуллан, дьон-сэргэ сылдьарыгар олус үчүгэй усулуобуйа баар буолла. Бу нэһилиэк иһинээҕи суолу бэдэрээтчит Архип Скрябин салайааччылаах суолу тутар биригээдэ хаачыстыбалаахтык, үтүө суобастаахтык оҥорон, Табаҕа бөһүөлэгин дьонун-сэргэтин үөртэ. Онон инникигэ элбэҕи эрэннэрэр, улахан суолталаах үлэ оҥоһуллан түмүктэннэ, нэһилиэк олохтоохторун сыанабылын ылыан ылла.

Кэлэр сылга бырагыраама чэрчитинэн куоластааһын түмүгүнэн элбэх бырыһыаны ылбыт бырайыакка – Лесной уулусса суолун оҥорууга үлэ барыаҕа диэн улахан эрэллээхтэрин Юрий Афанасьевич бэлиэтээн эттэ.

Февронья Охлопкова, Эркээйи

Следите за самым важным и интересным в Telegram-канале и WhatsApp-группе ЯСИА