20 От ыйа 20.07
  • 22°
  • $ 88,02
  • 96,04

Мас-рестлиҥҥа Европа чемпионата Азербайджаҥҥа буолуоҕа

15:27, 28 апреля 2023
Текст:
Фото: Андрей Сорокин, ЯСИА
Читайте нас на
Яндекс Новости
ЯДВ

Азербайджан бу сылга мас-рестлиҥҥа Европа чемпионатын ыытыаҕа. Киэҥ ыҥырыылаах күрэхтэһии от ыйын 14–17 күннэригэр тэриллиэҕэ. Россия сүүмэрдэммит хамаандатын састааба биллэр, манна Саха сирин спортсменнара киирдилэр, суруйар СИА.

14 ыйааһынтан Саха сирин мадьынылара дойдуну алта ыйааһыҥҥа көмүскүөхтэрэ. Хаалбыт квоталары атын регионнар бэрэстэбиитэллэрэ туттулар.

«Сүүмэрдээһин Россия чемпионатыгар Уфаҕа буолбута. Европа чемпионатыгар күрэхтэһии үрүҥ көмүс призердара барар быраабы ылбыттара. Ити эрээри биир категорияҕа уларытыы киирдэ — Кабардино-Балкарияттан үрүҥ көмүс призер Аниуар Шогенов, кыайан барар кыаҕа суоҕунан, хамаандаҕа Егор Баишев киирдэ», — кэпсээтэ СИА-ҕа Россия сүүмэрдэммит хамаандатын кылаабынай тренера Николай Константинов.

Россия хамаандатын састаабыгар Саха сириттэн киирдилэр: Василий Захаров (75 кг), Семен Атаков (90 кг), Эрчим Баппагай (125 кг). Хамаандаҕа атын региону көрдөрөр саха спортсменнара бааллар: Егор Баишев (105 кг) Забайкальскай кыраай, Сергей Константинов (70 кг) уонна Айсен Атастыров (80 кг), Аланияттан.

Дойдуну атын регионнартан Темирлан Тенгизов, Кабардино-Балкария (60 кг), Дементий Салиндер, Ямало-Ненецкай автономнай уокурук (65 кг), Павел Павлов, Чувашия (125 кг үөһэ), Дарья Федорова, Чувашия (55 кг), Илона Шапка, Алания (75 кг), Наталья Короленко, Владимирскай уобалас (65 кг), Мохинур Абдузойирова, Калужскай уобалас (85 кг), Светлана Тихонова, Свердловскай уобалас (85 кг үөһэ).

Санаттахха, Уфатааҕы Россия чемпионнара, балаҕан ыйыгар Узбекистааҥҥа буолар аан дойду чемпионатыгар кыттар быраабы ылбыттара.

Следите за самым важным и интересным в Telegram-канале и WhatsApp-группе ЯСИА