22 От ыйа 22.07
  • 29°
  • $ 88,02
  • 96,04

Мүрүгэ уран тарбахчааннар куруһуоктара

17:25, 26 июля 2016
Читайте нас на
Яндекс Новости
ЯДВ

Уус Алдан улууһун Мүрү нэһилиэгэр оҕолорго аналлаах «Айымньылаах чаас» куруһуок кэрэхсэбили ылбыт. Бэртээхэй дьарыгы оҕо саадыгар иитээччинэн үлэлиир Татьяна Васильева салайар. Бу туһунан С.Васильев-Борогонскай аатынан киин бибилэтиэкэ «Алгыс» кыраайы үөрэтэр секторын  сэбиэдиссэйэ  Ольга Павлова кэпсиир.


Үөрэнээччилэр саҥа аһыллыбыт куруһуоктарын олус сөбүлээбиттэрин, күн аайы үөрүүнэн сылдьалларыттан төрөппүттэр улаханнык астыммыттар.

«Үөрэнээччилэр сайыҥҥы сынньалаҥнарын туһалаахтык атааралларыгар анаан тэриллибит куруһуок. Манна сылдьар кыргыттар уон күн устата киэргэллэри, хаһаайыстыбаҕа туһалаах кыракый малы-салы оҥоро үөрэнэллэр. Туттар матырыйаалларын салайааччылара Татьяна Петровна атыылаһар, булар-талар. Кыргыттар баттах киэргэлин, брошь, браслет, ытарҕа, магнитка, иннэ анньар, истиэнэҕэ сыһыарар, сибэкки быыһыгар уурар киэргэл арааһын, суумканы, таҥаһы-сабы тупсарарга туттуллар оҥоһуктарын көрбүт эрэ бары хайгыыр. Аҕыйах хонук иһигэр дьоҕурдара арыллара, оҥорор киэргэллэрэ тупсан иһэрэ харахха быраҕыллар», — диир кини.

Оҥоһуктара оҕолорго бэйэлэригэр бэлэх буолар. Кэлин ону түмэн быыстапка да оҥоруохтарын сөп диир Ольга Николаевна.

Следите за самым важным и интересным в Telegram-канале и WhatsApp-группе ЯСИА