24 Тохсунньу 24.01
  • -48°
  • $ 73,82
  • 83,32

Литература салонугар саҥа кинигэни сүрэхтээтилэр

12:41, 10 февраля 2016
Текст:

«Чолбон» сурунаал кылаабынай редактора Данил Макеев айар киэһэҕэ мустубут дьону итиитик-истиҥник эҕэрдэлээтэ. Сурунаал быйылгы сыллааҕы үлэтин туһунан кылгастык сырдатта уонна тылы айар үлэнэн дьаныһан дьарыктанан киэҥ эйгэҕэ биһирэммит суруйааччыларга Уйбаан Ойуурга, Урсуҥҥа уонна Айысхаанаҕа биэрдэ. Кинилэр саха кырдьаҕас сурунаалын үлэтин-хамнаһын кытта билиһиннэрдилэр,  «Чолбон» билиҥҥи кэмҥэ саамай сөпкө литературнай салон тэрийэн үлэлэтэрин уонна инникитин да бу курдук элбэх киһилээх айар биэчэрдэри тэрийэн ыытарга бэлэмин эттилэр.

2

Саха сирин Суруйааччыларын союһун бэрэссэдээтэлин солбуйааччы Гаврил Андросов учууталлары айар киэһэҕэ кэлбиттэринэн эҕэрдэлээтэ уонна айар үлэлэригэр ситиһиилэри баҕарда. “Сахабэчээт” маркетиҥҥа салаатын салайааччы Лира Яковлева мустубут дьону «Сахабэчээт» коммерческай тэрилтэтэ кинигэ бэчээттиирин иһитиннэрдэ уонна «Чолбон» сурунаалга сурутан, саха литературатын кэрэ эйгэтин кытта алтыһа сылдьалларыгар ыҥырда.

5

Тэрээһин иккис чааһыгар Таатта улууһунааҕы «Уран тыл» түмсүү бэрэссэдээтэлэ, СӨ үөрэҕириитин туйгуна, Ил Дархан «Чулуу учуутал» анал бириэмийэтин хаһаайына, А.Е. Мординов аатынан лицей профкомун бэрэссэдээтэлэ Оксана Андросова-Сандаара «Умсулҕан» кинигэтин сүрэхтэниитэ буолла. Былатыан Ойуунускай аатынан судаарыстыбаннай бириэмийэ лауреата Николай Винокуров –Урсун саҥа кинигэни сиһилии ырытта. Үтүө, мөлтөх өрүттэрин  ыйда, ааптарга сүбэ-ама биэрдэ.

Салгыы поэты бииргэ үлэлиир үөлээннээхтэрэ, биир дойдулаахтара, атастара-доҕотторо саҥа кинигэтинэн эҕэрдэлээтилэр. Поэзия эйгэтигэр Сандаара аата дорҕоонноохтук дуораһыйарыгар уонна кинилэри истиҥ, сылаас иэйиилээх поэзиятынан үөрдэ турарыгар баҕардылар.

1

Рустам Каженкин, Надежда Оросина, Анатолий Слепцов Сандаара истиҥ иэйиилээх хоһооннорун аахтылар уонна кини талааныгар сүгүрүйэллэрин эттилэр.

Харбалаах орто оскуолатыгар бииргэ үөрэммит оҕолоро кэлэн эҕэрдэлээн, ырыа ыллаан, хоһоон ааҕан айар биэчэри киэргэттилэр.

3

0
0
24 января 24.01
  • -48°
  • $ 73,82
  • 83,32