29 Кулун тутар 29.03
  • -12°
  • $ 92,26
  • 99,71

Үлэтэ суохтары араас идэҕэ уһуйан, үлэнэн хааччыйаллар

15:01, 02 ноября 2020
Текст:
Читайте нас на
Яндекс Новости
ЯДВ

СӨ Дьарыктаах буолуу сулууспата 320  үлэтэ суох дьону суолу тутуу уонна тутуу идэлэригэр үөрэтэр былааннаах. Итинтэн билигин 154 киһи штукатур, каменщик, тимир, бетон конструкциялар монтажниктарын идэлэригэр үөрэнэн саҕалаатылар. Идэлээх дьону «ЯРУС», «РДР-групп», «Кинг-95», «Адгезия» тутуу тэрилтэлэригэр үлэҕэ киллэриэхтэрэ.


Нэһилиэнньэ дьарыктаах буолуутун судаарыстыбаннай кэмитиэтэ иһитиннэрэринэн, бүгүҥҥү күҥҥэ барыта 2237 киһи 90 араас идэни баһылыыр. Үлэтэ суохтар бульдозер, экскаватор машиниһа, В, С, Д, Е категориялаах массыына суоппара, повар, хочуолунай оператора, слесарь, электрогазосварщик, бухгалтер о.д.а. идэлэргэ уһуйуллаллар.

Маны таһынан, кэмитиэт бэйэ дьыалатын тэриниэн баҕалаахтарга көмөлөһөр. Ол курдук 145 үлэтэ суох киһи дьарыктаах буолуу кииниттэн 152000 солкуобайы ылан, атыы-эргиэн, ас, бытовой өҥө, араас оҥоһуктары оҥоруу, таһаҕаһы тиэйии, тутуу, тэхиниичэскэй көрүү-истии эйгэлэригэр бэйэ дьыалатын тэриммит.

«Олохтоох каадырдары – промышленноска» бырайыагынан 612 киһи «горнорабочий подземный», «проходчик», «грохотовщик», «оператор товарный», «машинист бульдозера», «машинист экскаватора» идэлэри баһылыыр. Ити иһигэр 232 киһи үлэ биэрээччи суотугар үөрэнэр.

Следите за самым важным и интересным в Telegram-канале и WhatsApp-группе ЯСИА