28 Кулун тутар 28.03
  • -11°
  • $ 92,59
  • 100,27

Үлэтэ суохтар алын уонна муҥутуур төлөбүрдэрин кээмэйин эттилэр

11:03, 28 декабря 2021
Читайте нас на
Яндекс Новости
ЯДВ

СӨ нэһилиэнньэ дьарыктаах буолуутун судаарыстыбаннай кэмитиэтин бэрэссэдээтэлэ Елена Калашникова үлэтэ суохтар төһө элбэх көмө харчыны ылыахтарын сөбүн кэпсээтэ. Көмө харчы кээмэйин федеральнай киин олохтуур, оттон өрөспүүбүлүкэҕэ оройуоннааҕы коэффициент эбиллэн улаатарын санатта, диэн СИА кэпсиир.

Үлэтэ суох буолуу көмө төлөбүрүн кээмэйэ федеральнай киин уонна нормативнай-правовой акталарынан олохтонорун бэлиэтээтэ. Ол курдук, төлөбүр алын кээмэйэ 1,5 тыһыынча солкуобай. Үлэтэ суох буолуу муҥутуур төлөбүрэ 2021 сылга бастакы үс ый үлэтэ суох олорор киһиэхэ 12 130 солк., онтон кэлиҥҥи үс ыйга 5 тыһыынча солкуобай этэ.

«Биэнсийэҕэ тахсар саастаах дьоҥҥо төлөбүр кээмэйэ арыый үрдүк — манна муҥутуур сыыппаранан барар. Дойду бырабыыталыстыбатын 2022 сыллааҕы уурааҕынан, үлэтэ суох сылдьар дьоҥҥо төлөбүр кээмэйэ эмиэ оннунан хаалар: саамай кырата 1,5 тыһыынча солк., оттон үрдээбитэ 12 792 солк. бастакы үс ыйга уонна кэлиҥҥи үс ыйга 5 тыһыынча буолуохтаах», — диэн Калашникова кэпсээтэ.

СӨ нэһилиэнньэ дьарыктаах буолуутун судаарыстыбаннай кэмитиэтин бэрэссэдээтэлэ төлөбүр алын уонна муҥутуур кээмэйэ оройуоннааҕы коэффициент эбиллэн үрдүүллэрин санатта. Дьокуускайга коэффициены учуоттаан саамай кырата — 2100 солк., үрдээбитэ — 16 992 солк., оттон кэлэр сылга 17 908 солк., үс ый кэннэ кэлэр ыйдарга — 7 тыһыынча солк. буолуоҕа.

Следите за самым важным и интересным в Telegram-канале и WhatsApp-группе ЯСИА