WhatsApp месенджер нөҥүө ыраас ууну тиэрдэр «Ледник» компания үлэһитэ колонкаттан уу сүүрдэ турар хаартыската киэҥник тарҕанна.
«Биһиги компаниябыт суоппара тус наадатыгар даачаҕа уу кутта турар хаартыската. Ону колонкатан ууну ылан дьоҥҥо тарҕатар курдук токурутан өйдөөбөккүтүгэр ыҥырыах этим», — диэн СИА-ҕа «Ватер Крафт Инжиниринг» ХЭТ дириэктэрэ Наталья Тарасова эттэ.
«Ледник» ууну ыраастыыр тэриллэри туруорар уонна ыраас ууну тарҕатар тэрилтэ 2009 сылтан ыла үлэлиир. Кинилэр ыраас ууларын хаачыстыбатыгар саарбахтааһын баар буолуон сатамматын туһунан үлэһиттэр этэллэр.
