Муус устар 28 күнүгэр Хотугулуу-Илиҥҥи федеральнай университекка Карьерный OPEN SPACE диэн устудьуоннарга, HR-түмсүүлэргэ, хампаанньаларга аналлаах суолталаах тэрээһин буолаары турар, диэн СИА иһитиннэрэр.
«Тэрээһин чэрчитинэн, “Карьерный интерактив” диэн эйгэ үлэлиэҕэ, манна устудьуоннар ханнык хайысхаҕа үлэ көрдөнөллөрө оруннааҕын толкуйданыахтара. Онтон HR-үлэһиттэр “Лидеры кадровых решений” быыстапкаҕа бэйэлэрин ньымаларын, билиилэрин үллэстиэхтэрэ», — диэн тэрийээччи Ульяна Эверстова кэпсиир.
Тэрээһин уратыта диэн, манна Саха Өрөспүүбүлүкэтигэр маҥнайгытын HR-митап тэриллиэҕэ. Бу аата каадырдары наймылаһар үлэһиттэр биир сиргэ көрсөн холкутук кэпсэтиэхтэрэ, уопуттарын атастаһыахатара.
«Биһиги кииммит устудьуоннары үлэнэн хааччыйааһынынан дьарыктанар. Туох үлэ баарын кэтээн көрөбүт, устудьуоннарбыт үөрэхтэрин бүтэрэллэрин саҕана ханнык эйгэҕэ үлэһиккэ наадыйалларын билиһиннэрэбит уонна үлэ ырыынагар тахсалларыгар бэлэмниибит. Хас биирдии оҕо үөрэҕин бүтэрэрин саҕана салгыы ханна үлэлии барарын мунааҕымсыйар, долгуйар, биһиги кинилэргэ күүс-көмө буолабыт. Маны таһынан, устудьуон ис-туругун, баҕа санаатын, кыаҕын диагностикалаан көрөбүт, уонна бу киниэхэ чопчу ханнык үлэ барсарын сүбэлиибит», — диэн М.К.Аммосов аатынан ХИФУ иһинэн Компетенциялары сыаналыыр уонна сайыннарар киин салайааччыта Анна Бысыина бэлиэтээтэ.
Биир күн иһигэр тэрээһин кыттыылаахтара хампаанньалар бэрэстэбиитэллэрин кытары көрсөн экспресс-кэпсэтиини ааһыахтара, ону тэҥэ хампаанньалар сыанабылларын истиэхтэрэ. Үлэһит дьон бэйээлэрин хайысхаларынан хайдах гынан салгыы сайдыахтарын, карьера оҥостуохтарын сөбүн туһунан экспертэртэн сүбэлэтиэхтэрэ.
OPEN SPACE кыттааччыларыгар анаан кофе атыыланыаҕа уонна фотозона үлэлиэҕэ, маны тэҥэ, барыларыгар сэмэй бэлэх туттартыахтара.
Кыттааччылар бу сыылканан киирэн регистрацияланыахтарын сөп: https://www.career-openspace.ru/
Буолар күнэ: Муус устар 28 кунугэр — 10:00 чаастан
Буолар сирэ: Дьокуускай куорат Кулаковскай уулуссатын 42, 4 этээс
Тэрийээччи: Компетенциялары сыаналыыр уонна сайыннарар киин
