13 От ыйа 13.07
  • 23°
  • $ 87,74
  • 95,76

Өлөөҥҥө социальнай үлэһит биэнсийэлээх харчытын иҥэриммит

Читайте нас на
Яндекс Новости
ЯДВ

Ааспыт сылга Өлөөн улууһугар олохтоох дьахтар 80 саастаах эһээтин интэриэһин туруорсаары Арассыыйа ИДЬМ салаатыгар сайабылыанньа суруйбут. Социальнай үлэһиккэ биэнсийэлээх оҕонньор баан картатын биэрбит, онтун үлэһит өр кэмҥэ төнүннэрбэккэ сылдьыбыт уонна төһө сууманы туһаммытын отчуоттаабатах диэн, биэдэмистибэ пресс-сулууспата иһитиннэрдэ.

Биэнсийэлээх сиэнэ биллэрбитинэн, баан каартатын суотугар оҕонньорго 150 000 солк. кэриҥэ харчы ууруллубут. Биллэн турар, саастаах киһи социальнай үлэһиккэ каартатын бэйэтэ биэрбит. 30 саастаах дьахтар баан каартатынан оҕонньорго эмп-томп, бастакы наадалаах табаардары, сороҕор  коммунальнай ороскуоту төлүү сылдьыбыт. Биэнсийэлээх уонна кини сиэнэ социальнай үлэһит харчыны отчуоттаабатаҕыттан сылтаан төһө сууманы ороскуоттаабытын билээри полицияҕа тиийбиттэр.

Бэрэбиэркэ саҕаламмыт. Эмискэ социальнай үлэһит үлэтиттэн уурайан, оройуонтан түргэн үлүгэрдик барбыт. Дьокуускайга көһөн кэлэн, кырдьаҕастары уонна инбэлииттэри көрөр патронажнай тэрилтэҕэ үлэҕэ киирбит. Дьахтар оҕонньор харчтын бэйэтин кыһалҕатыгар туһаммытын  мэлдьэспит. Хомойуох иһин, саастаах киһи бу холуобунай дьыала бара турдаҕына өлбүт, ол иһин силиэстийэ үлэтэ уустугурбут.

Ол эрээри, Өлөөннөөҕү Арассыыйа ИДьМ силиэстийэлиир салаата дьахтар буруйун дакаастаан, холуобунай кодекс  160-с ыстатыйа 2 чааһынан «иҥэринии» диэнинэн буруйдаабыттар. Бокуонньук каартатыттан 16 000 тыһ сууманы туһаммыта биллибит.

Билигин хоромньуну дьахтар толору төннөрбүт. Холуобунай дьыала силиэстийэтэ түмүктэммит.

Следите за самым важным и интересным в Telegram-канале и WhatsApp-группе ЯСИА