«Өлүөнэ остуолбалара» нацпааркаҕа икки атыыр кулааһай киирсиилэрэ хаартыскаҕа хатанна. Ол туһунан паарка телеграм-ханаалыгар суруйда.
Бастакы хаартыска сэтинньи 27 күнүгэр сарсыарда эрдэ уһулунна, манна кыыллар сытыы киирсиилэрэ көстөр. Тыһы кулааһайы атыырдар бэйэлэрин болҕомтолоругар тардар кэмнэрэ диэн быһаараллар. Маннык турнирдарга эчэйиэхтэрин, ардыгар муостарыттан иилсиһэн, сатаан арахсыбакка өлүөхтэрин да сөп.
Иккис хаартыска ахсынньы 8 күнүгэр түүн үөһүгэр бэлиэтэннэ. Үһүс атыыр баар, киирсиини маныыр секундант оруолун толорорго дылы.
Хаартысканы үрдүкү судаарыстыбаннай иниспиэктэр Василий Петров тиксэрдэ.
