22 Ыам ыйа 22.05
  • -7°
  • $ 104,68
  • 115,6

Өлөөн улууһун анал бирииһинэн бэлиэтээтилэр

19:01, 28 октября 2021
Текст:

XIX бүтүн дойдутааҕы «Арассыыйа куораттарын уонна регионнарын стратегическай былааннааһыннара: 2020 чахчыта уонна уон сыллааҕы бэбиэскэтэ» чэрчитинэн, Санкт-Петербург куоратыгар алтынньы 25-26 күннэригэр, олохтоох салайыныы VII түмүктүүр куонкурса буолла.

КМС-2021 куонкурус сүрүн сыала Арктика олохтоохторо бэйэлэрин уопуттарын үллэстэн тэҥҥэ сайдар суолу тобулаллара, саҥа сүүрээннэри олохторугар киллэрэн, социальнай уонна экономическай боппуоруостары түргэнник быһаараллара буолар.

«Саха сирин Арктикатын олохтоох салайыныыларын уһун болдьохтоох стратегиялара олус табыгастаахтар”, — диэн РАНХиГС доцена Александр Воротников бэлиэтээтэ.

Саха сирин аатыттан бу куонкуруска Тиксии уонна Өлөөн улуустара кытыннылар.

Куонкурус түмүгүнэн дьүүллүүр сүбэ кыайыылаахтары быһаарда: 50 тыһ. аҕыйах ахсааннаах олохтоох салайыныылар быыстарыгар Таймыыр Долгано-Ненецкай оройуон Дудинка куората буолла. Онтон 50 тыһ. элбэх ахсаннаах олохтоохторго, кыайыыны Архангелськай уобалас «Северодвинск» куоратын уокуруга ситистэ.

Өлөөн эбэҥки национальнай улууһун «Этническай олохтоохтору уонна сири-уоту харыстааһын» иһин бэлиэ бирииһинэн наҕараадалаатылар. 250 тыһ. суумаҕа сертификаты Өлөөн улууһун баһылыгар Лена Ивановаҕа туттардылар.

Следите за самым важным и интересным в Telegram-канале и WhatsApp-группе ЯСИА
0
0