Өлөөн улууһун баһылыгын дуоһунаһыгар болдьоҕун иннинэ талыы быыбарыгар «Биир ньыгыл Арассыыйаттан» турбут Лена Иванова хотон иһэр. Барыллаан иһитиннэриини Саха сирин киин быыбардыыр хамыыһыйата сэтинньи 22 күнүгэр киэһэ 22:35 биллэрбитин СИА суруйар.
Киин быыбардыыр хамыыһыйа иһитиннэрбитинэн, сэтинньи 22 күнүн 18:00 ч. куоластааһыҥҥа быыбардааччы 79,42% кэлбит.
Барыллаан ааҕыынан бу иннигэр хоту сир аҕыйах ахсааннаах төрүт олохтоох норуоттарын боломуочунайынан үлэлээбит Лена Иванова хотон иһэр. Кини туһугар куоластааччы 79% сөбүлэҥин биэрбит.
Бэйэтин туруоруммут Христофор Васильев куолас 16% ылбыт. Атыттар 1-тэн 2% диэри куолаһы ылтар.
