29 Кулун тутар 29.03
  • -14°
  • $ 92,26
  • 99,71

Өлүөхүмэлэр "Оҕоҕо баҕарбыт", "Кустук", "Олох дьэбэрэтэ" испэктээктэри көрөллөр

12:55, 11 марта 2016
Текст:
Читайте нас на
Яндекс Новости
ЯДВ

Ойуунускай аатынан Саха театрын кэлэктиибэ өрөспүүбүлүкэ улуустарыгар гастрола салҕанар. Петр Макаров салайааччылаах бөлөх Өлүөхүмэ улууһугар Былатыан Ойуунускай “Оҕоҕо баҕарбыт”, Николай Лугинов “Кустук” уонна Алампа «Олох дьэбэрэтэ» испэктээктэрин туруорар.


«Театр кэлэктиибэ Өлүөхүмэ улууһугар 30 сыллаах тохтобул кэнниттэн эргилиннэ», — диэн олохтоохтор санааларын үллэстэллэр.

Өссө биир үөрүүлээх сонунунан бу бөлөххө бэйэлэрин уоллара, театрга үлэлиирин сэргэ «Сайсары күөлгэ түбэлтэ» киинэҕэ сүрүн оруолу оонньообут Слава Лавернов кэргэнинээн Айталыын кэлбиттэрэ буолбут.

Артыыстар олохтоохтору кытары атах тэпсэн олорон сэһэргэстилэр, санааларын атастастылар, маастар-кылаастары ыыттылар, ылбаҕай ырыаларын бэлэхтээтилэр. Оттон олохтоох ааптардар бэйэлэрэ суруйбут пьесаларын, сценарийдарын бэлэх ууннулар.

Следите за самым важным и интересным в Telegram-канале и WhatsApp-группе ЯСИА