18 Ыам ыйа 18.05
  • -7°
  • $ 104,68
  • 115,6

Өлүөхүмэ улууһун нэһилиэктэрин баһылыктара Олоҥхо ыһыаҕар оһуохайдыахтара

15:01, 22 марта 2021
Текст:

Өлүөхүмэ улууһугар Олоҥхо ыһыаҕар бэлэмнэниигэ режиссердар, туруорааччылар бөлөхтөрө үлэлиир. «Гармония» култуура киинигэр оһуохайга маастар-кылаас буолла. Манна нэһилиэк баһылыктара кыттыыны ыллылар.


Өлүөхүмэ улууһугар буолар Олоҥхо ыһыаҕын биир ураты көстүүтүнэн оһуохай тойугун нэһилиэк баһылыктара таһаарыахтара.

«Оһуохайы нэһилиэк баһылыктара таһаарыахтара. Бу ураты көстүү буолуоҕа«, — диэтилэр тэрийээччилэр.

Кылаабынай режиссер көмөлөһөөччүтэ Василиса Алексеева эппитинэн, улуус 23 нэһилиэгин баһылыктара бары оһуохайга туруохтара уонна ыллыахтара. «Өлүөхүмэ оһуохайын уратыта кинилэр хаамыыларыгар, хамсаныыларыгар биллэр, олох «уникальнай» көстүү«, — диэтэ кини.

Култуура киинин фольклорга исписэлииһэ Анна Романова:

– Өлүөхүмэ оһуохайын өр үөрэттим. Ким баҕарар үҥкүүлүөн сөп. Аҕыйах тыллаах, хамсаныылара олус кэрэлэр. Өбүгэлэрбитигэр махтанабын, билиҥҥи өйдөбүлүнэн олус «креативнайдар» эбит. Хамсаныыларын барытын айылҕаттан ылбыттар. Бастакы эр киһи үҥкүүтэ — хотой үҥкүүтэ. Онтон иккис, 60-с сылларга диэри сылдьыбыт — сылгы, үһүс — кыталык. Дьахтар оһуохайы таһаарыыта биһиги кэммитигэр тыыннаах тиийэн кэлбэтэх. Онтон эр киһи киэнэ баар.

Следите за самым важным и интересным в Telegram-канале и WhatsApp-группе ЯСИА
0
0