2021-2022 сылларга социальнай суолталаах тэрилтэлэргэ түргэн интернети киллэрии инвестиционнай бырайыак чэрчитинэн Өлүөхүмэ улууһун Саҥыйахтааҕар ВОЛС тиийдэ, суруйар ulus.media.
Санатар эбит буоллахха, 2021 сыл бүтэһигэр Малыкан сэлиэнньэтигэр кулуупка, оскуолаҕа, фельдшерскай-акушерскай пууҥҥа «Ростелеком» интернет холбообута.
«Маны сэргэ Малыкаҥҥа түргэн интернеккэ 12 олорор дьиэ холбоммута, — диир нэһилиэк баһылыга Роман Габышев. – Оттон муус устар 2 күнүгэр Саҥыйахтаахха сигнал кэллэ. Балыыһаҕа, оскуолаҕа, дьыссаакка, сынньалаҥ киинигэр уонна администрацияҕа линия тардылынна. Билигин ситимҥэ холбонууга сөбүлэҥ суруйсабыт. Ыаллартан сайаапка хомуйабыт. Баҕалаах элбэх, онон ВОЛС-ка холбонуохтара дии саныыбын. Мархаҕа таҥар үлэ ыытыллар, манна оскуолаҕа уонна почтаҕа киллриэхтэрэ».
«Саҥыйахтааҕы таһынан Урицкай, Хоро уонна Маача түргэн ситимҥэ холбонуохтара. Мобильнай сибээс суох Мархаҕа уонна Маачаҕа нэһилиэнньэ туттуутугар анаан босхо вай-фай точка арыллыаҕа», — диэн иһитиннэриигэ суруллар.
