28 Кулун тутар 28.03
  • -12°
  • $ 92,59
  • 100,27

"Өлүөхүмэ кыладабыайа" пиэрмэлэригэр үүт ыаһына эбиллэр

11:01, 03 февраля 2021
Текст:
Читайте нас на
Яндекс Новости
ЯДВ

«Туймаада» агрохолдинг «Өлүөхүмэ кыладабыайа» пиэрмэлэригэр урукку сыллардааҕар элбэх үүт ыанна. Бу туһунан ulus.media суруйар.


Агрохолдинг генеральнай дириэктэрин сүбэһитэ Сергей Несмелов этэринэн, хаһаайыстыба икки пиэрмэтинэн билигин маассабай ынах төрөөһүнэ, үүт ыаһына бэлиэтэнэр. Кыстык этэҥҥэ.

Барыта 1150 төбө холмогорскай боруода сүөһү кыстаан турар, итинтэн 380-на – ыанньык, атыттара иллэрээ сыллааҕы, былырыыҥҥы төрүөх эдэр сүөһүлэр.

Тохсунньу бүтүүтэ уопсайа 215 ньирэй төрөөбүт. Хотон туруга үчүгэйинэн, үлэһиттэр, ветеринардар кыһамньыларынан төрүөх туруга үчүгэй. «Өлүү суох», — диир Сергей Несмелов.

Урукку сылларга холоотоххо үүт ыаһына эбиллибит. Өскөтүн урут күҥҥэ 2,5 тыһ туонна үүт ыанар эбит буоллаҕына, билигин — 3,5 туонна.

Ыанньыксыт Лариса Давыдова аппараатынан ыаһыҥҥа биир ынахтан 3657 кг үүтү ыан, барыта 139,6 туонна үүтү туттаран, хаһаайыстыба үрдүк көрдөрүүлээх ыанньыксыта буолбут. Кини кэннэ Людмила Бояркина – 121 туонна, 3640 кг көрдөрүүлээх, Людмила Нутчина -132 туонна, (3313 кг), Людмила Копылова – 121 тонна (3200 кг).

«Бу кэлэктиип: сүөһү, ньирэй көрөөччүлэр, осеменатордар, хачыгаардар, үүт тутааччылар күннэтэ көрсөр сыралаах үлэлэрин түмүгэ. Тымныы күннэргэ үлэһиттэр ордук эппиэттээхтэрин көрдөрдүлэр», — диэтэ Сергей Несмелов.

««Агрохолдинг биһигини өрүү өйүүр. Былырыын 1000 туонналаах саҥа сиилэс дьааматын туппуппут. Билигин сайылыкка аныгылыы ыанньык сирэ, сүөһү астыыр буун тутулла сылдьаллар.

Үүккэ субсидия 50 солкуобайга диэри үрдээһинэ биһиэхэ үлэлииргэ эрэли, кыаҕы биэрэр», – диир Сергей Несмелов.

Следите за самым важным и интересным в Telegram-канале и WhatsApp-группе ЯСИА