20 От ыйа 20.07
  • 17°
  • $ 88,02
  • 96,04

Кыраныысса таһыттан кэлбит улуус олохтоохторун тута обсерватордарга киллэриэхтэрэ

Читайте нас на
Яндекс Новости
ЯДВ

Ил Дархан Айсен Николаев муус устар 2 күнүгэр улуус баһылыктарын кытта видеоконференцсибээһинэн мунньахтаата. Өрөспүүбүлүкэҕэ эпидемиологическай балаһыанньаны ырыттылар. Муниципалитет салайааччыларыгар кыраныысса таһыттан кэлбит улуус олохтоохторун тута обсерваторга киллэриини тэрийэллэригэр сорудахтанна.


Өрөспүүбүлүкэҕэ, бүгүҥҥү туругунан, 11  киһи коронавирус инфекциятыттан эмтэниини ылар, түөрт киһи үтүөрдэ.

Айсен Николаев иһитиннэрбитинэн, РФ кылаабынай санитарнай бырааһын ирдэбилинэн өрөспүүбүлүкэҕэ кыраныысса таһыттан кэлээччилэр булгуччу 14 күн обсерваторга киириэхтээхтэр. Онон муниципалитеттар баһылыктара бу дьаһалы миэстэтигэр толороллоро этилиннэ.  «Билигин боростуой самоизоляция туһунан этиллибэт. Кыраныысса таһыттан кэлбит улуус олохтоохторо хайаан да 14 күн обсерваторга киириэхтээхтэр. Күн аайы өрөспүүбүлүкэҕэ кыраныысса таһыттан ортотунан 40 – 60 киһи кэлэр”, — диэтэ Ил Дархан.

Толору “самоизоляция” эрэһиимэ биллэриллибит Дьокуускайга, Жатайга, Нерюнгрига уонна Мииринэйгэ олохтоох бэйэни салайыныы уорганнара уонна полициялар арыгыны уоран атыылааһыны тутаттаан, тохтотоллоругар этилиннэ.

Ил Дархан баһылыктарга туһаайан медицина тэрилтэлэригэр техниканан көмөлөһөллөрүгэр уонна волонтердар хамсааһыннарын өйүүллэригэр эттэ.

Кэлэр нэдиэлэттэн оскуола оҕолоро дистанционнай үөрэхтэрэ саҕаланара этилиннэ. “Бу боппуруоска олус болҕомтолоохтук сыһыаннаһаргытыгар ыҥырабын. Коронавирус тарҕаныытын бохсууну кытта сааскы халаан уута кэлиитигэр бэлэмнэниигэ, баһаардары таһаарбат буолууга эмиэ тэҥинэн үлэни ыытаргытын умнубаккытыгар”, — диэтэ регион салайааччыта.

Следите за самым важным и интересным в Telegram-канале и WhatsApp-группе ЯСИА