19 От ыйа 19.07
  • 17°
  • $ 87,88
  • 96,1

Кыайыы күнэ. Айар куттаах Саха сирин олохтоохторо социальнай ситимнэринэн саҥа хоһооннорун ыыталлар

Читайте нас на
Яндекс Новости
ЯДВ

Быйылгы үбүлүөйдээх Кыайыы күнэ уратытык ыытыллар. Саха сирин олохтоохторо сарсыарда эрдэ уһуктан, алаадьы астаан, онлайн эрэһиимҥэ бэйэ-бэйэлэрин эҕэрдэлэһэллэр, ыытыллар аахсыйаларга кыттыһаллар. Айар куттаахтар бэйэлэрин саҥа хоһооннорун социальнай ситимнэринэн тарҕатан, дьоҥҥо аахтараллар. Таһырдьа сып-сыпнаҕас сыа хаар кыыдамныыр, Кыайыыны уһансыбыттар өлбөөдүйбэт үтүөлэрин, оҥорбут хорсун быһыыларын кэпсииргэ дылы.


Үөһээ Бүлүү улууһа урут-уруккуттан айар куттаах дьонунан: хоһоонньуттарынан, суруйааччыларынан, худуоһунньуктарынан, уустарынан биллэр. Аҕа дойду улуу сэриитин кыттыылаахтара Дьүөгэ Ааныстыырап, Бүөтүр Тобуруокап, Баһылай Кустуктуурап, Николай Якутскай фронтовик-суруйааччы аатын ылбыттара.

Билиҥҥи көлүөнэ дьон ааспыт үйэ историятын өйтөн-сүрэхтэн ааспат чахчытын хайдах баарынан айар үлэтигэр көрдөрөр. Үөһээ Бүлүү улууһун Боотулуу олохтооҕо Марианна Лазарева Кыайыы 75 сылыгар анаан суруйбут хоһооно батсаапка тарҕанан, дьон кутун тутта.

Буолбатаҕа буоллар сэрии

Сэрии уоттаах толоонугар,
Симэлийэ суох буолбут,
Сүрэхтэрин толук уурбут,
Сахам толуу дьоннорун
Санаан дууһам хараастар…

Төһө саха төрүөх этэй,
Саҥа сүрэх тэбиэх этэй?!
Сэрии дьиикэй тыҥыраҕа,
Сиппэтэҕэ буоллар арай?!

Сахам сэмэй уолаттара,
Быстан хаалбыт дьоллорун,
Сытыы буулдьа аһылыга
Буолбут хаарыан дьоммутун,
Санаан дууһам кыланар…

Төһө киһи төрүөх этэй,
Саҥа олох үөскүөх этэй?
Сидьиҥ, сиэмэх сэрии өскө,
Буолбатаҕа буоллар Сиргэ?!

Ырыа анаан, хоһоон айан,
Кыһыл көмүс дуйунан
Ааттарын да суруйан,
Сэрии буолан ааспытыттан
Санаам син биир айманар.

Төһө Саха төрүөх этэй,
Киһи аймах үксүөх этэй?
Арай алҕас уордаах сэрии,
Таарыйбатах буоллун Сири?!

Следите за самым важным и интересным в Telegram-канале и WhatsApp-группе ЯСИА