24 Тохсунньу 24.01
  • -48°
  • $ 73,82
  • 83,32

Кыайыы күнүгэр улуустарга байыаннай техникалар макеттара туруорулуннулар

СИА Кыайыы күнүгэр анаан оҥоһуллубут байыаннай техникалар макеттарын хаартыскаларын түмэн таһаарар. Аҕа дойду улуу сэриитин кыттыылаахтарыгар өйдөбүнньүк бэлиэтин тыа сирин уустара оҥордулар.


Өймөкөөн улууһун киинэ. Уус-Ньараҕа Кыайыы 70 сылыгар анаан оҥоһуллубут мемориальный комплекс. Манна Т-34 тааҥка, «Катюша» уонна пушка бааллар.

Аэрокобр самолет макета. 2002 гсыллаахха «АЛСИБ» трасса летчиктарыгар анаан оҥоһуллубут.

Быйыл хас да улууска саҥа макеттар туруорулуннулар. Уопсастыбаннас уонна олохтоох былаастар көҕүлээһиннэринэн

Т-34 тааҥка куоппуйата Горнай улууһун Бэрдьигэстээҕэр турда. Ааптардарынан рационализатордар, улуус бочуоттаах олохтооҕо Захар Павлов уонна кини уола Георгий Павлов буолаллар. Бэрдьигэстээх дьаһалтата өйөөтө.

Тимир тааҥка өссө биир куоппуйата Мэҥэ Хаҥалас улууһун Аллараа Бэстээҕэр туруорулунна. Сэбиэскэй Союз Геройа Федор Попов пааматынньыгын таһыгар.

Ыам ыйын 9 күнүгэр Хаҥалас улууһугар Албан аат Курганыгар «Катюша» бойобуой массыына макета турда. Биир ый үлэлээтилэр. Маастар Михаил Трофимов оҥордо.

Чурапчы олохтооҕо Александр Попов байыаннай техниканы оҥорорунан биллэр. Тиэргэнигэр музей кэриэтэ: пушка, ПО-2 самолет, Т-34 тааҥка. Кыайыы 75 сылыгар анаан Ла-7 самолет прототибын оҥордо.

0
0
24 января 24.01
  • -48°
  • $ 73,82
  • 83,32