18 От ыйа 18.07
  • 20°
  • $ 88,09
  • 96,3

Кыайыы-75. Ороһуга аҕыс оҕолоох Акимовтар тиэргэннэригэр параадтаатылар

Читайте нас на
Яндекс Новости
ЯДВ

Үөһээ Бүлүү Ороһутугар олохтоох балыыһаҕа эдэр Герой-ийэ Яна Акимова үлэлиир. Бастакы оҕотун 19 сааһыгар күн сирин көрдөрбүтэ. Улахана уон алтата, онтон кырата алта саастаах минньигэс кыысчаан. Акимовтар Кыайыы 75 сылын үбүлүөйүн эрдэттэн бэлэмнээх көрүстүлэр. Бүгүн кинилэр байыаннайдыы таҥнан тиэргэннэригэр тахсан параадтаатылар.


Яна уонна Василий улахан тапталынан 2004 сыллаахха ыал буолбуттара. Билигин аҕыс оҕолоох сис ыал. Оҕолор: Иванна 10 кылаас, Васияна 8 кылаас, Гена 7 кылаас, Вераника 5 кылаас, Вася 4 кылаас, Викалаах Влада 1 кылаастар, Валентина дьыссаат оҕото.

— Оҕолорбут Кыайыы күнүн олус күүппүттэрэ. Өссө «самоизоляция» эрэһиимэ биллэриллэ илигинэ, Кыайыы күнүгэр бары байыаннай таҥастаах параадтыы барыахпыт диэн быһааран, матырыйаал ылбытым. Ону олоххо киллэрдибит. Бүгүн бары байыаннайдыы таҥнан тиэргэммитигэр тахсан, дьоллоох олохпутун түстээбит Аҕа дойду улуу сэриитин бэтэрээннэрин сырдык ааттарыгар махталбытын биллэрдибит. Сирдээҕи дьолбутун — оҕолорбутун саамай ыраас тыыннаах бырааһынньыгынан эҕэрдэлиибин. Хас биирдиилэригэр доруобуйаны, ийэ-аҕа тапталыгар сууламмыт дьоллоох оҕо сааһы баҕарабын, — диэн кэпсээтэ Герой-ийэ.

Алта кыыстаах, икки уоллаах Герой-Ийэ этэринэн, элбэх оҕолонуу – дьол, оҕо-оҕону көрсөн улаатар, улахан дьиэ кэргэҥҥэ үөскээбит оҕо көмүскэллээх, айылгыта атын буолар.

Следите за самым важным и интересным в Telegram-канале и WhatsApp-группе ЯСИА