Саха сирин улуустарыгар Аҕа дойду улуу сэриитигэр кыайыыны уһансыбыттарга анаан араас өйдөбүнньүк аахсыйалар тэриллэн ыытылыннылар. Кыайыы 75 сылыгар Кэбээйи улууһун Мукучу модельнай бибилэтиэкэтэ “Тулхадыйбат өйдөбүнньүк” диэн кэрэхсэбиллээх тэрээһиннэри ыытта.
Мукучу бибилэтиэкэтэ Осипова В.П. сэбиэдиссэйдээх Дьокуускай куорат 4 №дээх “Встреча” модельнай бибилэтиэкэтин кытта #МОЙТИМОФЕЙСМЕТАНИН флэшбук, ол эбэтэр кинигэ флешмобун салгыы ыыттылар, диэн суруйар ulus.media
Ытык ийэ Февронья Николаевна Малгина туһунан иһитиннэриини бибилэтиэкэр Иванова А.А. оҥордо.
Физкултуура учуутала Кычкина А.Д. салайааччылаах “Бэдэр” байыаннай патриотическай кулууп уонна иитэр үлэҕэ завуч Софронеева М.Н. видео көрдөрдүлэр. «Символ Веры и Победы» видео социальнай партнердар Иванова Р.А., Софронеева М.Н., Софронеева Р.А., түөлбэ салайааччыларын уонна олохтоох дьаһалтаны кытта кыттыһан оҥоһулунна.
И.Е.Левин аатын сүгэр Танара орто оскуолатын иитэр завуһун Григорьева К.Д. кытта бииргэ “Левин Иван Егорович – холобур буолар киһибит” (учуутал, буойун, сырдатааччы, салайааччы, амарах аҕа, эһэ) оҥорбут мультимедийнай уруок дириҥ ис хоһоонноох, киэҥ хабааннаах буолан таҕыста.
Бу үөрэх кыһатын Афанасьева В.А салайааччылаах 8 кылааһын кэлэктиибэ «Өлбөт полк» аахсыйаҕа кыттыбыт видеоларын көрдөрдүлэр. Ааҕааччылар интэриэстэрин учуоттаан сэрии кыттыылаахтарын туһунан иһитиннэриини олохтоох дьаһалтаны, тэрийэр хамыыһыйаны кытта бииргэ оҥорон тарҕаттылар.
Дьиэтээҕи бибилэтиэкэҕэ баар патриотическай кинигэлэри сырдатарга аналлаах күрэҕи Ксенофонтов П.П. «Бигэ» маҕаһыынын кытта тэрилиннэ.
«Кинигэҕэ мин ураты бэлиэм» аныгылыы киэҥник биллэрэр хайысхалаах кылгас болдьохтоох аахсыйаҕа олохтоохтор кытынныллар.
Тимофей Сметанин олоҕун, айар үлэтин биллэр уонна биллибэт өрүттэрин туһунан сырдатар өрөспүүбүлүкэтээҕи онлайн кэмпириэнсийэҕэ филиал сэбиэдиссэйэ «Доҕордоһуу – улуу күүс» диэн историческай тиэмэнэн кытынна.
Ити курдук Мукучу модельнай бибилэтиэкэтин ааҕааччылара өйдүү-саныы сылдьалларын курдук араас тэрээһиннэр буоллулар. Кыттыбыт, көрбүт, истибит, сэҥээрбит дьоҥҥо, ааҕааччыларыгар бибилэтиэкэ кэлэктиибэ махталын тиэрдэр.
Тэрилтэ үлэтэ маннык платформаларга сырдатылаллар:
– Инстаграмм https://www.instagram.com/mukuchubibl/
– В контакте https://vk.com/id433760659
– Фейсбук https://www.facebook.com/profile.php?id=100034929245478
– Твиттер https://twitter.com/OkWOdBOQub2qEY2/status/1253083207446204418?s=19
– Ютуб https://youtu.be/ha1ZA5ex1zI
– Однокласскники https://ok.ru/profile/587876643849/pphotos/892719687945
– Тик Ток https://m.tiktok.com/h5/share/usr/6751947721004909573.html?language=ru&sec_uid=MS4wLjABAAAA1h4va3UjQ546uHnMHLRIYJtMP-oN0zQqQVtOokh4XxvkmopdLkgzUs3s4eVgTWpZ&u_code=d9283c64je02dc×tamp=1587739042&user_id=6751947721004909573
