Кулун тутар 2 күнүнээҕи туругунан, кыһыҥҥы суолларынан Саха сирин нэһилиэктэригэр 479,5 тыһыынча туонна таһаҕас тиэллиннэ, бу былаантан 54,8% тэҥнэһэр. Кыһыҥҥы кэмҥэ таһаҕаһы таһыы муус устар 12-15 күннэригэр киин оройуоннарга уонна муус устар бүтэһигэр – хотугу уонна Арктика улуустарыгар түмүктэнэрэ былааннанар.
Саха сирин бырабыыталыстыбатын бэрэссэдээтэлин бастакы солбуйааччы Дмитрий Садовников кулун тутар 2 күнүгэр өрөспүүбүлүкэҕэ кыһыҥҥы кэмҥэ таһаҕаһы тиэйиини салайар биэдэмистибэлэр икки ардыларынааҕы хамыыһыйа мунньаҕын ыытта.
Кулун тутарга мууһунан суол саамай бөҕөргүүр кэмэ. Онон бу кэми мүччү туппакка, хаалбыт хайысхаларга таһаҕастары тиэрдиэхтэрэ.
Билигин өрөспүүбүлүкэҕэ суол 11 тыһыынчаттан тахса км уһуннаах 103 учаастакка суол аһаҕас, манна 15- тэн 40 туоннаҕа диэри таһаҕһы тиэйиэххэ сөп.
«Бүлүү» федеральнай массыына суолугар түөрт сиринэн мууһунан айанныыгын, манна муус уйумтута 40 туоннаҕа тиийэр. Алдан өрүһү туоруур «Халыма» федеральнай суолга көҥүллэнэр ыйааһыны 40 туоннаҕа диэри үрдэттилэр.
