28 Кулун тутар 28.03
  • -13°
  • $ 92,26
  • 99,71

Кустуур уола "Оонньоммотох оруолларга" оонньуоҕа

Читайте нас на
Яндекс Новости
ЯДВ

Саха тыйаатырыгар алтынньы 28 күнүгэр Е.К. Лепковская, Исай Попов, Ксения Гаврильева, Георгий Борисов ахтыыларыгар олоҕуран «Оонньоммотох оруоллар» диэн Мария Боппоноева инсценировката буолар. Манна Эбээн-Бытантай уола Айтал Слепцов оонньуоҕа.


Айтал Слепцов Кустуур орто оскуолатын 2016 сыллаахха бүтэрбитэ. Ырыа куттаах, истиҥ мичээрдээх хоту сирин уолчаана артыыс буолар санаатын толорон, Дьокуускайдааҕы култуура уонна искусство колледжыгар туттарсан киирбитэ. Номнуо үөрэҕин түмүктүүр 4 кууруска ситиһиилээхтик үөрэнэ сылдьар.

Айтал Слепцов: «Алтынньы ый 28 күнүгэр Былатыан Ойуунускай аатынан Саха тыйаатырыгар «Күн өркөн» эдэр ыччат тыйаатырын кыттыылаахтара «Оонньоммотох оруоллар» Мария Гаврильевна Боппоноева инсценировкатыгар кыттыыны ылаары сылдьабыт. Бу спектакль Захар Никитин туруоруута. Куурус маастарынан Саргылана Степанова буолар. Маҥнайгы сүрэхтэнии кэннэ туруоруллубут инсценировканан салгыы Москуба уонна Санкт-Петербург куораттарга кытта барыахтаахпыт. Бу — биһиги дипломнай үлэбит. Мин сүрүн оруолу — куурус старостата Исай Попову оонньуубун, онон миэхэ наһаа долгутуулаах, икки бүк эппиэтинэстээх».

Айтал кыра эрдэҕиттэн КВН куруһуогар сылдьара, аан маҥнай артыыстыыры, сыанаҕа араас оруоллары оонньууру онно билбитэ уонна сөбүлээбитэ. Бу сайын «Баһаалыста миигин кытта үҥкүүлээ» диэн киинэҕэ уһуллубут. Режиссер Никандр Федоров. 2020 сыл сэттинньи ыйыгар киинэ тыйаатырдарга тахсара былааннанар.

Ааптар: «Бытантай уоттара» хаһыат

Следите за самым важным и интересным в Telegram-канале и WhatsApp-группе ЯСИА