Бу өрөбүллэргэ Бастакы ханаалга ыытыллар «Кто хочет стать миллионером?» диэн оонньууга Горнай Бэс Күөлүттэн педагог-психолог Мария Сергеева итиэннэ библиотекарь Екатерина Петрова кыттыахтара. Кинилэр 3 мөлүйүөн ылар туһугар киирсиэхтэрэ.
Кыттааччылар иккиэн атырдьах ыйын 7 күнүгэр уокка былдьаммыт Горнай улууһун Бэс Күөлэ нэһилиэгиттэн сылдьаллар. Ол эрэн Екатерина Петрова аҕыйах сыллааҕыта Кэбээйи улууһун Сангаар бөһүөлэгэр көспүт. Бэс Күөлүгэр аймахтара олороллор. Кыттааччылар дьиэ кэргэттэрэ улахан ойуур баһаарыгар дьиэтэ суох хаалбыттар.
