Хаҥалас улууһугар Өктөмҥө балаҕан ыйын 15 күнүгэр үөрүүлээх кэрэ-бэлиэ түгэн буолла. П.И.Шадрин аатын сүгэр саҥа оскуола-уһуйаан аанын аста. Оскуоланы тутуу үлэтэ 2019 сыллаахха саас муус устарга саҕаламмыта. Саҥа социальнай эбийиэк инвестиционнай бырагырааманан тутутулунна.
⠀
Өктөм орто оскуолатын үөрэнээччилэрэ түөрт араас сиринэн үөрэнэн кэллилэр. Бу иннинээҕи 1976 сыллаахха тутуллубут мас оскуолалара хаарбаҕынан билиниллибит. Өктөмҥө оскуоланы суһаллык тутуу туһунан быһаарыы 2018 сыллаахха сайын Айсен Николаев СӨ баһылыгын быстах кэмҥэ солбуйааччынан олордоҕуна ылыныллыбыта. 2019 сыллаахха саас муус устарга саҥа оскуоланы тутуу үлэтэ саҕаламмыта.
⠀
Өр кэтэспит оскуолаларын үөрүүлээх аһыллыытыгар үөрэнээччилэри, педагогтары, сэлиэнньэ олохтоохторун СӨ Ил Дархана Айсен Николаев истиҥник эҕэрдэлээтэ. «2018 сыллаахха мин учууталлары уонна үөрэнээччилэри кытары көрсүбүтүм уонна саҥа оскуола тутулларын туһунан быһаарыыны ылбытым. Биһиги оҕолорбут сөптөөх дьоһун усулуобуйаҕа үөрэниэхтээхтэр», — диэтэ Ил Дархан. Улахан махталын Айсен Николаев «Сэттэ» тутар хампаанньа кэлэктиибигэр тиэртэ. Оҕолору оскуолаларын, уһуйааннарын харыстыылларыгар, кыһамньылаахтык үөрэнэллэригэр, дьоһун дьон буола улааталларыгар баҕарда. Ил Дархан оскуола дириэктэригэр кыһаларыгар оптуобус ыларга сэртипикээти туттарда. Хаҥалас улууһун олохтоохторун ааттарыттан аныгы оскуола-саад тутуллубутугар бырабыыталыстыбаҕа уонна үрдүкү салалтаҕа улахан махталын улуус баһылыга Олег Иринеев тиэртэ.
⠀
Педагогическай үлэ бэтэрээннэрин ааттарыттан Римма Платонова тыл эттэ. «Биһиги саҥа оскуола тутулларын 20 сыл күүппүппүт. Ол ыра санаабыт туолла. Маныаха биһиги выпускниктарбыт күүстэринэн бу оскуола тутуллубута үөрүүбүтүн икки бүк үрдэтэр», — диэтэ кини. Өктөм орто оскуолатын дириэктэрэ Калиста Афанасьева оскуола-саад бастакы атаҕа Сомоҕолоһуу сылыгар түһэриллибитин, тутуу үлэтэ Дойдуга бэриниилээх буолуу сылыгар көхтөөхтүк салҕаммытын, оттон Чэгиэн буолуу сылыгар саҥа оскуола дьэндэйэн тахсыбытын эттэ. Оскуола инвестиционнай бырагырааманан тутутулунна. Икки мэндиэмэннээх тэрилтэ уопсай иэнэ 5 300 кв. м. Манна былаанынан 220 оҕо үөрэниэхтээх, уһуйааҥҥа 100 оҕо сылдьыахтаах.
Өктөм орто оскуолатын үөрэнээччилэрэ түөрт араас сиринэн үөрэнэн кэллилэр. Бу иннинээҕи 1976 сыллаахха тутуллубут мас оскуолалара хаарбаҕынан билиниллибит. Өктөмҥө оскуоланы суһаллык тутуу туһунан быһаарыы 2018 сыллаахха сайын Айсен Николаев СӨ баһылыгын быстах кэмҥэ солбуйааччынан олордоҕуна ылыныллыбыта. 2019 сыллаахха саас муус устарга саҥа оскуоланы тутуу үлэтэ саҕаламмыта.
⠀
Өр кэтэспит оскуолаларын үөрүүлээх аһыллыытыгар үөрэнээччилэри, педагогтары, сэлиэнньэ олохтоохторун СӨ Ил Дархана Айсен Николаев истиҥник эҕэрдэлээтэ. «2018 сыллаахха мин учууталлары уонна үөрэнээччилэри кытары көрсүбүтүм уонна саҥа оскуола тутулларын туһунан быһаарыыны ылбытым. Биһиги оҕолорбут сөптөөх дьоһун усулуобуйаҕа үөрэниэхтээхтэр», — диэтэ Ил Дархан. Улахан махталын Айсен Николаев «Сэттэ» тутар хампаанньа кэлэктиибигэр тиэртэ. Оҕолору оскуолаларын, уһуйааннарын харыстыылларыгар, кыһамньылаахтык үөрэнэллэригэр, дьоһун дьон буола улааталларыгар баҕарда. Ил Дархан оскуола дириэктэригэр кыһаларыгар оптуобус ыларга сэртипикээти туттарда. Хаҥалас улууһун олохтоохторун ааттарыттан аныгы оскуола-саад тутуллубутугар бырабыыталыстыбаҕа уонна үрдүкү салалтаҕа улахан махталын улуус баһылыга Олег Иринеев тиэртэ.
⠀
Педагогическай үлэ бэтэрээннэрин ааттарыттан Римма Платонова тыл эттэ. «Биһиги саҥа оскуола тутулларын 20 сыл күүппүппүт. Ол ыра санаабыт туолла. Маныаха биһиги выпускниктарбыт күүстэринэн бу оскуола тутуллубута үөрүүбүтүн икки бүк үрдэтэр», — диэтэ кини. Өктөм орто оскуолатын дириэктэрэ Калиста Афанасьева оскуола-саад бастакы атаҕа Сомоҕолоһуу сылыгар түһэриллибитин, тутуу үлэтэ Дойдуга бэриниилээх буолуу сылыгар көхтөөхтүк салҕаммытын, оттон Чэгиэн буолуу сылыгар саҥа оскуола дьэндэйэн тахсыбытын эттэ. Оскуола инвестиционнай бырагырааманан тутутулунна. Икки мэндиэмэннээх тэрилтэ уопсай иэнэ 5 300 кв. м. Манна былаанынан 220 оҕо үөрэниэхтээх, уһуйааҥҥа 100 оҕо сылдьыахтаах.
Туспа киирэр ааннаах уһуйаан иэнэ 1 331 кв.м. Манна 25-тии миэстэлээх түөрт бөлөх үлэлиэ диэн этэллэр. Бастакы мэндиэмэҥҥэ кыра уонна орто бөлөх оҕолоро сылдьаллар, таҥастарын устар сирдэрэ, үлэһиттэр, логопед, психолог хосторо бааллар. Иккис мэндиэмэҥҥэ улахан уонна оскуолаҕа киириэн иннинээҕи саастаах оҕолор бөлөхтөрө, музыкальнай уонна физкультуранан дьарыктанар саалалар, сэбиэдиссэй хоһо, методическай хостор бааллар.
220 оҕоҕо суоттаммыт оскуола иэнэ 3 994 кв.м. Сүүрбэлии оҕолоох барыта 11 кылаас киирэр. Бастакы этээскэ алын сүһүөх кылаастар үөрэнэллэр, таҥас ыйыыр сир, учууталлар, черчение, биология, психолог, тириэньэрдэр хосторо, уолаттар мастарыскыайдара, аһыыр сир, спортивнай саала бааллар. Иккискэ 154 миэстэлээх аактабай саала, информатика хоһо, лаборатория, мастарыскыай, дириэктэр, иитэр-үөрэтэр үлэҕэ сэбиэдиссэй хосторо, учительскай, бибилэтиэкэ киирбиттэр. Оскуола тэриллиэҕиттэн бу кыһаны 3 тыһыынчаттан тахса үөрэнээччи бүтэрбит, итинтэн 23 кыһыл көмүс мэтээлинэн.
Андрей Сорокин (СИА) хаартыскаларга түһэриитэ
