От ыйын 1 күнүттэн дойду үрдүнэн коронавируһунан ыалдьыбыт дьон диспансеризация ааһыахтара. Бу туһунан СӨ Бырабыыталыстыбатын бэрэссэдээтэлин солбуйааччы Ольга Балабкина бүгүн, от ыйын 2 күнүгэр, Суһал ыстаап иһитиннэриитигэр эттэ.
Диспансеризация икки түһүмэхтээх буолуо. Бастакытыгар ыалдьыбыт киһи хаан уопсай, биохимическэй анаалыһын туттарыа, хаан кислородун быһаартарыа, алта мүнүүтэ иһигэр хааман көрдөрүө, тыынарын бэрэбиэркэлэтиэ, тыҥатын рентгеҥҥа түһэриэ, терапевтка көрдөрүө. Итини таһынан, хааҥҥа тромб үөскүүрүн быһаарыахтара.
Өскөтүн ыарыһах бастакы тургутууну ыарырҕатар буоллаҕына, быраас кинини эбии эхокардиографияҕа, тыҥа томографиятыгар, атах тымырдарын чинчийиигэ ыытыаҕа.
