Сунтаар улууһун бөдөҥ астыыр-үөллүүр тэрилтэтэ «Үрдэл» 2016 сылтан үлэлиир. Билигин Кириэстээх кооператив үрүҥ аһын барытын оҥорор сүрүн салаата буолар.
Үрүҥ аһы соҕотуопкалыыр «Үрдэл» тэрилтэтэ ааспыт сылга тыа хаьаайыстыбатын министиэристибэтин анал программатынан үүтү чинчийэр лабороторияны ыллылар. Онон үүт ас хаачыстыбалаах, үлэ хаамыыта судургу буолла.
Маны тэҥэ үүтү тиэйэр массыынанан хааччылыннылар. Суоппар ала сарсыардаттан 5 нэһилиэгинэн эргийэн 300 туонна үүтү аҕалан туттарар.
Манна оҥоһуллан тахсыбыт төрүт аһы-үөлү оҕо уһуйааннарыгар, оскуолаларга уонна маҕаһыыннарга туттараллар. Суорат, йогурт, сүөгэй онтон да атын саха таптаабыт аһа барыта баар. Кэлин творожнай маассаны оҥорон саҕалаабыттарын нэһилиэнньэ олус сөбүлээтэ. Аны сайын үүт элбээтэҕинэ арыыны оҥорон саҕалыахтара.
Тыа сиригэр төрүт салааны сайыннарыыга анал программалар үлэлээннэр үүт-үрүмэ дэлэйэ турар, суруйда @suntaar_ulus
