Арассыыйа Баана 2026 сыл от ыйын 10 күнүттэн 100 солкуобай суумалаах саҥардыллыбыт харчыны эргииргэ таһаарар. Банкнот киин федеральнай уокурукка ананар диэн тустаах тэрилтэ иһитиннэрэр.
Харчы инники сирэйин дизайнын уонна харыстабылын толору 2022 сыллааҕы банкнот хатылыыр. Харчы кэнники сирэйигэр Киин федеральнай уокурук каартата ойууламмыт — бу иннинэ тахсыбыт 5000 солкуобай (2023 сыл) уонна 1000 солкуобай (2025 сыл) харчыларга майгынныыр.
Саҥа банкнот сокуонунан төлөбүр сириэстибэтин быһыытынан иннинээҥи биир сыаналаах банкноттары кытта тэҥҥэ туттуллар. Арассыыйа сиригэр-уотугар ханнык баҕарар табаары уонна өҥөнү төлүүргэ кинини хааччаҕа суох ылыы булгуччулаах диэн КБ бэлиэтээтэ.
