Дьокуускай куоракка «Кэрэ эйгэҕэ бииргэ» уруһуй быыстапката от ыйын 6-17 күннэригэр «Үргэл» арт-галереяҕа үлэлиир.
Быыстапкаҕа Амматтан төрүттээх талааннаах худуоһунньук, айар үлэтин анал быыстапканан дьон көрүүтүгэр таһааран биһирэммит СӨ култууратын туйгуна Ньургуйаана Никифорова-Ойууна салайар Дьокуускай куорат үһүс саас оскуолатын аҕам саастаах дьахталларын үлэлэрэ турдулар.
Киһи сөҕөрө, интэриэһинэйэ диэн бары 80 саастарын ааспыт эбэлэр, хос эбэлэр маслянай кыраасканан, гуаһынан, акварелинэн уруһуйдара бииртэн биир олус кэрэ, ыраас.
Бэйэ сөбүлүүр дьарыктаах буолуута олоҕу уһатарын, түмүгэр дьону үөрдэрин быыстапка чаҕылхайдык туоһулуур.
Елена Сыроватская, Мүрү саһарҕата хаһыат телеграм-ханаала
