28 Бэс ыйа 28.06
  • -7°
  • $ 104,68
  • 115,6

Кэлэр нэдиэлэттэн регионнартан «Агротуризм» граҥҥа сайаапкалары тутуу саҕаланыаҕа

РФ тыатын хаһаайыстыбатын министиэристибэтэ ыам ыйын 16 — 20 күннэригэр регионнартан «Агротуризм» граны биэриигэ бырагырааматыгар сайаапканы хомуйарын иһитиннэрэр. Бырайыактар тыа сиригэр туризмы сайыннарыыга туһуламмыт буолуохтаахтар. 

Санатар эбит буоллахха, «Агротуризм» – бу дьоҕус агробизнеһи өйөөһүҥҥэ судаарыстыба саҥа ылыммыт миэрэтэ. Тыа хаһаайыстыбатын министиэристибэтинэн быйылгыттан саҕаланна. Фермердар бэйэлэрин бизнес-бырайыактарынан 3-тэн 10 мөл солк диэри харчынан субсидия ылыахтарын сөп.

Быйыл 50 бырайыагы талыахтара, грант уопсай суумата 300 мөл солк. 2023 сылтан үбүлээһин эбиллиэҕэ, ол эбэтэр 500 мөл солк буолара былааннанар, оттон 2024 сылга – 700 мөл солк.

Талыы уонна граны сыаллаах туттуу бэрээдэгин Тыа хаһаайыстыбатын министиэристибэтин саайтыгар билсиэххитин сөп.

Сиһилии манна билсиҥ https://ysia.ru/agroturizm-otdyh-i-trud-v-yakutskoj-derevne/

Хаартыска: Интернеттэн

Следите за самым важным и интересным в Telegram-канале и WhatsApp-группе ЯСИА
0
0