13 От ыйа 13.07
  • 18°
  • $ 87,74
  • 95,76

Кэл, олор, чэйдиэх! СИА-сонуннар хаартысканан куонкуруһа

Читайте нас на
Яндекс Новости
ЯДВ

“Сахам сирэ” өрөспүүбүлүкэтээҕи акция чэрчитинэн
“Кэл, олор, чэйдиэх!”
хаартыска көрүүтүн куонкуруһун балаһыанньата

Кэл, олор, чэйдиэх!

Өбүгэ саҕаттан саха ыала киэһэ мустан баай астаах-үөллээх сандалытын тула олорон, үүттээх итии чэйи иһэ-иһэ күннээҕини ырытар, сарсыҥҥыны торумнуур үтүө үгэстээх. Бу үйэлэри уҥуордаан кэлбит бэйэ-бэйэҕэ маанылаах сыһыан билигин даҕаны баар. Сырдык санааттан саҕыллар аһылык сиэрин-туомун кэпсиир, билиһиннэрэр сыаллаах хаартыска куонкуруһун биллэрэбит.

Сыала-соруга:
Дьиэ кэргэн сыаннастарын өрө тутуу;
Дьон-сэргэ олоххо көҕүн үрдэтии.

Күрэх сүрүн ирдэбилэ:
Хаартыска киэбэ кыччаабыта 1000x1000px; улааппыта 2000х2000px;
Хаартыска дьоруойдарын туһунан кылгас иһитиннэрии;
Ааптар аата, араспаанньата, телефонун нүөмэрэ, олорор сирэ.

Хос быһаарыы:
Хаартыска ахсаанынан хааччахтаммат;
Хаартысканы СИА-сонуннар сахалыы саайтыгар аһаҕас куоластааһыҥҥа туруорабыт.

Кэмэ-болдьоҕо: Хаартыскалары муус устар 20 күнүгэр диэри ватсабынан (89142369392) эбэтэр электроннай почтанан (ysia1@yandex.ru) тутабыт, «КУОНКУРУСКА» диэн бэлиэтииргитин умнумаҥ. Муус устар 21-27 күннэригэр куоластааһын. Муус устар 28 күнүгэр кыайыылааҕы быһаарыы.

Тэрийээччилэр: “Сахамедиа” АУо, СИА-сонуннар сахалыы саайт.

Наҕараадалааһын:
Куонкурус кыайыылаахтара сыаналаах бириистэринэн наҕараадаланыахтара.

Следите за самым важным и интересным в Telegram-канале и WhatsApp-группе ЯСИА