29 Тохсунньу 29.01
  • -48°
  • $ 73,82
  • 83,32

"Кэл, олор, чэйдиэх!" хаартысканан куонкуруска куоластааһын сарсын саҕаланар

21:24, 20 апреля 2016
Текст:

“Сахамедиа” АУо, СИА-сонуннар сахалыы саайт “Сахам сирэ” өрөспүүбүлүкэтээҕи акция чэрчитинэн “Кэл, олор, чэйдиэх!” хаартыска көрүүтүн куонкуруһун биллэрбитэ. Сырдык санааттан саҕыллар аһылык сиэрин-туомун кэпсиир, билиһиннэрэр сыаллаах куонкуруска хаартысканы тутуу болдьоҕо түмүктэннэ. 


Мэҥэ Хаҥалас улууһун Төхтүрүттэн бэтэрээн-учууталлар, коллегалар, дьүөгэлиилэр Капиталина Ивановна Макарова уонна Нина Федоровна Колосова хаартыскаларын ыыттылар.

«Биһиги куонкуруска кыттаары анаан-минээн ыҥырсан, музей-балаҕаҥҥа чэй иһиитин сиэрин-туомун тэрийдибит. Бу маннык истиҥ көрсүһүүлэр доҕордуу буолууну өссө дириҥэтэн, күндүмсүтэн биэрэллэр», — дииллэр дьүөгэлиилэр.

Хаартыска ааптара Любовь Стручкова.

Балаһыанньа быһыытынан хаартыскалары аһаҕас куоластааһыҥҥа туруорабыт. Ол эбэтэр муус устар 21-27 күннэригэр сөбүлүү көрбүт хаартыскаҕытыгар куоласкытын биэриэххитин сөп.

Куоластааһын сарсын күнүс 14:00 ч. саҕаланыа уонна муус устар 27 күнүгэр 14:00 ч. түмүктэниэ.

Онон муус устар 28 күнүгэр кыайыылааҕы эһиги быһаарыаххыт.

Куонкурус кыайыылаахтара сыаналаах бириистэринэн наҕараадаланыахтара.

0
0
29 января 29.01
  • -48°
  • $ 73,82
  • 83,32